Telegram قوسىمشاسىنىڭ نەگىزىن قالاۋشى پاۆەل دۋروۆ قازاقستاندا نە ىستەپ ءجۇر - مينيستر جاۋابى
استانا. KAZINFORM - سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ رەسەيلىك Telegram قوسىمشاسىنىڭ نەگىزىن قالاۋشى پاۆەل دۋروۆتىڭ قازاقستانعا نە ءۇشىن كەلگەنىن ايتتى.
«پاۆەل دۋروۆ وسىندا ءجۇر، قازاقستاندى كورگىسى كەلەدى. وزگە قالالاردا دا (استانادان باسقا - رەد. ) بولۋى مۇمكىن. قازىر جوسپاردى پىسىقتاپ جاتىرمىز. وتە قىزىعۋشىلىقپەن كەلىپتى. بۇيىرسا، كەلەشەكتە تابىستى جوبالاردى ىسكە اسىرامىز دەپ ويلايمىن. ازىرشە قازىر ناقتى جوبالار تۋرالى ەشتەڭە ايتا المايمىن. ءبىراق وعان قازاقستاننىڭ ۇناۋى ءۇشىن، بۇل جاقتان بىرلەسكەن تەحنولوگيالىق بويىنشا ۇلكەن كەلەشەك كورۋى ءۇشىن ءبارىن جاسايمىز. جۇمىس ىستەيمىز»، - دەدى مينيستر پارلامەنت پالاتالارىنىڭ بىرلەسكەن وتىرىسى الدىندا.
سونداي- اق، ول قازاقستاندا پاۆەل دۋروۆ نەگىزىن قابىلداعان قوسىمشاسىن 10 ميلليوننان استام ادام قولداناتىنىن ايتتى.
