«تازا قازاقستان» : پرەزيدەنت تەلەراديوكەشەنى ۇجىمى استانادا سەنبىلىككە قاتىستى

ت ر ك قىزمەتكەرلەرى استانا قالاسى اكىمدىگى سانيتارلىق تازارتۋ ايماقتارىنىڭ ءبىرى رەتىندە ايقىنداعان نۇرا-ەسىل كانالى بويىنداعى بەكىتىلگەن اۋماقتى تازالاۋ جۇمىستارىنا شىقتى.

جۋرناليستەر بۇكىل حالىقتىق تازا ءارى جاسىل ەل قالىپتاستىرۋ باستاماسىن قولداپ، جاعالاۋ ايماعىن قوقىستان تازارتىپ، قوعامدىق كەڭىستىكتى رەتكە كەلتىردى. بۇل ەلوردانى اباتتاندىرۋ ىسىنە قوسىلعان ۇلەس بولدى.

ەكولوگيالىق ءىس-شاراعا قالا تۇرعىندارى، مەملەكەتتىك ورگانداردىڭ وكىلدەرى، ەڭبەك ۇجىمدارى، بيزنەس قۇرىلىمدارى، ەرىكتىلەر، ءماسليحات دەپۋتاتتارى، قوعامدىق ۇيىمدار، سونداي-اق مادەنيەت پەن سپورت قايراتكەرلەرى قاتىستى.

ەلوردانىڭ ءارتۇرلى اۋداندارىندا كەشەندى تازالىق جۇمىستارى جۇرگىزىلىپ، كوشەلەر، جاياۋ جۇرگىنشىلەر جولدارى مەن اۋلالار تازارتىلىپ، تۇرعىن الاپتار رەتكە كەلتىرىلدى، زاڭسىز قوقىس ۇيىندىلەرى جويىلدى. سونىمەن قاتار جاسىل جەلەكتەردى كۇتىپ-باپتاۋ جانە قالانى كوگالداندىرۋ بويىنشا ماۋسىمدىق جۇمىستار اتقارىلدى.

كەڭ اۋقىمدى ەكولوگيالىق اكسياعا 120 مىڭنان استام قالا تۇرعىنى قاتىستى. 10 مىڭ اعاش وتىرعىزىلىپ، 150 توننادان استام قوقىس جينالىپ، شىعارىلدى.

بۇگىنگى سەنبىلىك تازا اۋلا، تازا اۋدان جانە تازا قالا يدەياسىنىڭ كۇندەلىكتى ءومىر سالتىنا اينالىپ كەلە جاتقانىن جانە ازاماتتاردىڭ جەكە تاڭداۋىنا اينالعانىن تاعى ءبىر مارتە كورسەتتى.

ايتا كەتەيىك، مەملەكەت باسشىسى «تازا قازاقستان» رەسپۋبليكالىق ەكولوگيالىق اكتسياسىنا قاتىستى. اكتسيا بارىسىندا پرەزيدەنت قاسىم-جومارت توقايەۆ ءسوز سويلەپ، ەكى جىل بۇرىن تاعىلىمى مول، ءمان-مازمۇنى ايرىقشا «تازا قازاقستان» جالپىۇلتتىق اكتسياسى باستالعانىن ايتتى.