تايىنشا اۋدانىندا توتەنشە جاعداي جاريالاندى
پەتروپاۆل. KAZINFORM - سولتۇستىك قازاقستان وبلىسى تايىنشا اۋدانى اۋماعىندا جەرگىلىكتى اۋقىمدا تابيعي سيپاتتاعى توتەنشە جاعداي جاريالاندى.
بۇگىن كراسنايا پوليانا جانە چەرنيگوۆكا ەلدى مەكەندەرىندە ۇيلەرىنە قارعىن سۋ كىرگەن تۇرعىندار مەن ولاردىڭ مالى قاۋىپسىز جەرگە شىعارىلدى. دوبروجانوۆكا اۋىلىندا سۋ ازىرگە ۇيگە كىرگەن جوق، ەۆاكۋاتسيالاۋ ماسەلەسى شەشىلىپ جاتىر.
س ق و توتەنشە جاعدايلار دەپارتامەنتى باستىعىنىڭ ورىنباسارى مۇرات قانعوجينوۆتىڭ ايتۋىنشا، تايىنشا اۋدانىندا ازىرگە 8 ادام ەۆاكۋاتسيالاندى. 187 تۇرعىن ءۇيى بار كراسنايا پوليانا ەلدى مەكەنىنە بۇگىن ساعات 11.30 شاماسىندا قارعىن سۋ كەلگەن. سالدارىنان 6 ۇيگە سۋ كىردى. ەكى باسپانا يەسى ۇيىندە بولماعان. 4 ادام ەۆاكۋاتسيادان باس تارتسا، تورتەۋىن قۇتقارۋشىلار تۋىستارىنا اپاردى. سۋ باسقان اۋماقتان 30 شاقتى مال شىعارىلدى.
چەرنيگوۆكا ەلدى مەكەنىندە ۇيلەرىنە سۋ كىرگەن 4 ادام جانە 14 ءۇي جانۋارى قۇتقارىلدى.
وسى كۇنى 25 تۇرعىن ءۇيى بار دوبروجانوۆكا ەلدى مەكەنىنە دە ەرىگەن قار سۋى كىردى. قارعىن سۋ بەس ءۇيدىڭ اۋلاسىن باستى.
سۋ كەلىپ جاتىر. قازىرگى ۋاقىتتا تۇرعىنداردى ەۆاكۋاتسيالىق پۋنكتكە جانە مالدى جەرگىلىكتى شارۋاشىلىق اۋماعىنا كوشىرۋ ماسەلەسى قارالىپ جاتىر. سونداي-اق، سۋدى بۇرۋ جۇمىستارى قولعا الىنعان.
