تانىمال بوكسشى 40 جاسىندا اۋىر جاراقاتىنان كوز جۇمدى
استانا. قازاقپارات – World Boxing News باسىلىمىنىڭ مالىمەتىنشە، سپورتشى 17-قازاندا رەسەيدەگى ۇيىندە كوز جۇمعان.
رەسەيلىك بەلگىلى بوكسشى، «ورىس تايسونى» لاقاپ اتىمەن تانىلعان دەنيس بويتسوۆ 40 جاسىندا ومىردەن ءوتتى، دەپ حابارلايدى kznews.kz.
ونىڭ قايتىس بولعانىن اكەسى راستادى. ولىمگە 2015-جىلى العان اۋىر جاراقاتتارىنىڭ اسقىنۋى سەبەپ بولعان.
دەنيس بويتسوۆتىڭ ءومىرىن تۇبەگەيلى وزگەرتكەن وقيعا 2015-جىلدىڭ مامىرىندا گەرمانيادا بولعان. سول كەزدە 29 جاستاعى بوكسشى بەرلين مەتروسىنداعى «بيسماركشتراسسە» جانە «ۆيلمەرسدورفەر-شتراسسە» ستانسيالارىنىڭ اراسىنداعى تەمىرجول بويىنان ەس-ءتۇسسىز كۇيدە تابىلعان.
ونىڭ باسى مەن قولىنان اۋىر جاراقات العانى انىقتالعان. وسى وقيعادان كەيىن بوكسشى ءجۇرىپ-تۇرۋ جانە سويلەۋ قابىلەتىنەن ايىرىلىپ، تۇراقتى كۇتىمگە مۇقتاج بولعان.
كاسىبي مانسابىندا دەنيس بويتسوۆ 37 جەكپە-جەك وتكىزىپ، ونىڭ 36 سىندا جەڭىسكە جەتكەن. ول اۋىر سالماقتاعى بولاشاعىنان زور ءۇمىت كۇتتىرگەن بوكسشىلاردىڭ ءبىرى سانالعان.
الايدا 2015-جىلعى قايعىلى وقيعادان كەيىن سپورتشى كاسىبي مانسابىن جالعاستىرا المادى.
