تاياۋ شىعىستاعى شيەلەنىس سالدارىنان مۇناي باعاسى شارىقتاپ جاتىر

8 -قازان WTI ماركالى مۇناي فيۋچەرستەرى باررەلىنە 89,83 دوللار بولدى. باعا %1,76 عا ءوستى.

Brent ماركالى مۇنايدىڭ باعاسى باررەلىنە 102,28 دوللارعا جەتىپ، 2 دوللارعا نەمەسە %2,08 عا قىمباتتادى.

ال رەسەيلىك Urals مۇنايىنىڭ باعاسى شامامەن 7 دوللارعا نەمەسە %5,39 عا تومەندەپ، باررەلىنە 121,38 دوللارعا جەتتى.

Reuters اگەنتتىگىنىڭ حابارلاۋىنشا، مۇناي باعاسىنىڭ وسۋىنە ەڭ الدىمەن پارسى شىعاناعى مەن ورمۋز بۇعازى ارقىلى مۇناي جەتكىزۋگە قاتىستى قاۋىپتەر اسەر ەتىپ وتىر. قاقتىعىس باستالعانعا دەيىن بۇل باعىت ارقىلى الەمدىك مۇناي جەتكىزىلىمىنىڭ شامامەن %20 ىنا تەڭ مۇناي مەن مۇناي ونىمدەرى تاسىمالدانعان.

پارسى شىعاناعى مەن ورمۋز بۇعازى ماڭىنداعى كەمەلەرگە جاسالعان شابۋىلداردىڭ جيىلەۋى دە نارىققا قوسىمشا قىسىم كورسەتىپ وتىر.

ەسكە سالايىق، «ۇلكەن جەتىلىك» ەلدەرى الەمدىك ەنەرگەتيكالىق نارىقتى تۇراقتاندىرۋ ءۇشىن ستراتەگيالىق قورلاردان 100 ميلليون باررەل مۇناي مەن مۇناي ونىمدەرىن بىرلەسىپ بوساتۋعا كەلىستى.