16:11, 11 - قازان 2023 | GMT +6
تاياۋ شىعىستاعى احۋالدىڭ مۇناي نارىعىنا اسەرى قانداي - الماسادام ساتقاليەۆتىڭ جاۋابى
ەنەرگەتيكا ءمينيسترى الماسادام ساتقاليەۆ يزرايلدەگى قاقتىعىستىڭ مۇناي نارىعىنا اسەرى بويىنشا پىكىر ءبىلدىردى، دەپ حابارلايدى Kazinform.
«جالپى، مۇناي ساتىپ الاتىن نەگىزگى ەلدەردە سۇرانىس ارتقانىن بايقاپ وتىرمىز. وپەك+ ۇيىمىنا مۇشە مەملەكەتتەردە تەڭگەرىمدى كوزقاراس بار. مۇناي نارىعىندا تاپشىلىق بولعان جاعدايدا، بۇل ەلدەر قاجەت قوردى تۇتىنۋشىلارعا ۇسىنا الادى. سوندىقتان وسى سالاداعى قادامدار نارىق اياسىندا رەتتەلەدى دەپ سانايمىن»، - دەدى ا. ساتقاليەۆ Kazinform ءتىلشىسىنىڭ سۇراعىنا جاۋاپ بەرە وتىرىپ.
ءمينيستردىڭ ايتۋىنشا، ەلىمىزدىڭ مۇناي سالاسىنداعى جاعداي ايتارلىقتاي تۇراقتى.
«قازاقستاننىڭ مۇناي ءوندىرۋ سالاسى ءتيىستى جوسپار اياسىندا جۇمىس ىستەپ تۇر. سونىمەن بىرگە ەكسپورتتىق تاسىمالدار جوسپارلى تۇردە اتقارىلىپ جاتىر»، - دەدى مينيستر.
