تاسىمالداۋشىلار كولىك مينيسترلىگىنىڭ تۇزەتۋلەرىنە نارازى

استانا. KAZINFORM - ق ر كولىك مينيسترلىگى زاڭ جوباسىنا ەنگىزىلگەن جاڭا تۇزەتۋلەر بويىنشا كەڭەس وتكىزدى. ارينە، كەز كەلگەن جاڭاشىلدىق بارلىق تاراپتاردى قاناعاتتاندىرماۋى مۇمكىن. بۇل تۇزەتۋلەرگە دە قارسىلىق تانىتىپ وتىرعاندار از ەمەس.

جاڭاشىلدىقتارعا سايكەس، ق ت  ج ۇلتتىق وپەراتورى ماگيسترالدىق تەمىرجول جەلىسىندەگى ترانزيتتىك تاسىمالداۋدا باسىمدىققا يە بولماق. الايدا قالعان جۇك تاسىمالداۋشىلار «شەتكە ىعىستىرىلدىق» دەپ بايبالام سالىپ وتىر.

اشىق ن ق ا پورتالىندا مۇنداي باسىمدىقتاردىڭ سەبەپتەرى كورسەتىلگەن تۇزەتۋ جوباسى جاريالاندى. قۇجاتقا سايكەس، تەمىرجول جەلىسى ينفراقۇرىلىمىنداعى كەپتەلىستىڭ جوعارى بولۋىنا بايلانىستى جۇك تاسىمالى بەلگىلى ءبىر كەزەكتە ءجۇرۋى ءتيىس. سونىمەن قاتار، «ق ت ج» ۇك» ا ق ءوزىنىڭ مودەرنيزاتسياسى مەن قازاقستاندى يندۋستريالاندىرۋدىڭ دامۋىنا ىلەسپەيدى. دەسە دە، ۇلتتىق وپەراتور ترانزيتتىك تاسىمالداۋ كەزىندە باسىمدىق الىپ، جۇك جونەلتۋشىلەر مەن تاسىمالداۋشىلاردىڭ وتىنىشتەرىن ۇيلەستىرمەك. ۆەدومستۆو وسىلايشا قازاقستان ءوزىنىڭ گەوساياسي جاعدايى مەن مۇمكىندىكتەرىن تولىق پايدالانا الادى دەپ ەسەپتەيدى.

ال، سالالىق بىرلەستىكتەر ۆاگوندارى بوس تۇرىپ قالسا، قارجىلىق شىعىنعا باتاتىنىن العا تارتىپ وتىر.

«ءبىزدىڭ پويىزدار ەڭ سوڭعى بولىپ كەلەدى ەكەن. قتج كىرمە جولداردا تاسىمالداۋدى ۇيلەستىرەتىن بولسا، تىيىمدىلىك تۋرالى ايتۋدىڭ ءوزى قيىن. بۇل ۇسىنىستار قالاي پايدا بولدى؟ تۇسىنىكسىز جايتتار كوپ» ، - دەدى ERG كولىك لوگيستيكاسىنىڭ باس مەنەدجەرى گۇلجانات يمينوۆا.

رەسپۋبليكالىق تاۋ- كەن مەتاللۋرگيالىق كاسىپورىندار قاۋىمداستىعىنىڭ (AGMP) وكىلدەرى ولاردىڭ سەكتورى ق ت ج- مەن قيىن قارىم- قاتىناستار سالدارىنان ءوندىرىس كولەمىنىڭ تومەندەۋىنە تاپ بولعانىن اتاپ ءوتتى.

«بۇل ەرەجەلەر ق ت ج كىرىسى مەن ترانزيتتىك باسىمدىلىق مۇددەسى ءۇشىن دايىندالۋدا. ءبىز ۇكىمەتتىڭ تاۋ- كەن مەتاللۋرگيا كەشەنىنىڭ جاعدايىن جاقسارتۋعا ۇمتىلىسىن مينيسترلىك قولدامايدى دەپ ەسەپتەيمىز»، - دەدى ولار.

قاۋىمداستىق پرەمەر-ءمينيستردىڭ اتىنا حات دايىنداۋعا كىرىسىپ كەتتى.

اۆتور
ورالحان قوجانوۆ