تاسقىننان جاپا شەككەندەردىڭ نەسيەسىن شەگەرۋ الگوريتمى قارالىپ جاتىر
استانا. KAZINFORM - ۇلتتىق بانكتىڭ باسقارما ءتوراعاسى تيمۋر سۇلەيمەنوۆ ب ا ق وكىلدەرىمەن وتكەن باسپا ءسوز ءماسليحاتىندا تاسقىننان زارداپ شەككەن قازاقستاندىقتاردىڭ نەسيەسىن شەگەرۋ جانە كەشىرۋ الگوريتمىن قاي ورگان ازىرلەپ جاتقانىن ايتتى.
«تاسقىننان زارداپ شەككەن تۇرعىنداردىڭ كوبىنىڭ كولىگى، ءۇي، مال-جايى مەن تەحنيكاسى نەسيەگە الىنعانى بەلگىلى. وسى نەسيەلەردى كەشىرۋ نەمەسە شەگەرە تۇرۋدىڭ ورتاق الگوريتمىن كىم ازىرلەپ جاتىر؟ ۇلتتىق بانك بۇل ىسكە قالاي اتسالىسادى؟» دەپ سۇرادى جۋرناليست.
ۇلتتىق بانك باسشىسى بۇل ماسەلەگە وزدەرىنىڭ جاناما عانا قاتىسى بار ەكەنىن اتاپ ءوتتى.
«جالپى بانكتەردى قاداعالاۋ، بانكتەردى رەتتەۋ -ءبىزدىڭ دە قۇزىرىمىزداعى شارۋا. ءبىراق ەڭ ءبىرىنشى ونىمەن اينالىساتىن - قارجى نارىعىن رەتتەۋ جانە دامىتۋ اگەنتتىگى. سوندىقتان، قازىرگى تاڭدا تاسقىننان زارداپ شەككەندەردىڭ نەسيەسىن كەيىنگە شەگەرۋ نەمەسە كانيكۋل بەرۋ، تولىعىمەن كەشىرۋ سياقتى ماسەلەلەردى وسى اگەنتتىك قاراپ جاتىر. كەرەك بولسا، ول جۇمىسقا ءبىز دە قوسىلامىز. ءبىراق قازىرگى تاڭدا قارجى نارىعى اگەنتتىگىنىڭ قاراۋىندا بۇل ماسەلە»، - دەدى تيمۋر سۇلەيمەنوۆ.
