تاسقىنعا دايىندىق: اتىراۋدىڭ يندەر اۋدانىندا 20 توننا ازىق-تۇلىك قورى جاساقتالدى
اتىراۋ. KAZINFORM - اتىراۋ وبلىسىنىڭ يندەر جانە ماحامبەت اۋدانىندا جايىق وزەنىنىڭ دەڭگەيى قاۋىپتى شەكتەن اسىپ كەتتى. وسىعان بايلانىستى يندەر اۋدانىندا 20 توننادان استام ازىق-تۇلىك قورى جاساقتالدى.
يندەر اۋدانى بويىنشا گۋمانيتارلىق كومەكتى ۇيلەستىرۋشى التىنبەك مارات ۇلىنىڭ ايتۋىنشا، ازىق-تۇلىك قورى اتىراۋ قالاسىنان جەتكىزىلگەن.
«جايىق وزەنىندەگى سۋ دەڭگەيىنىڭ كوتەرىلۋىنە جاساقتالعان ازىق-تۇلىك قورى تۇرعىنداردىڭ قاجەتتىلىگى ءۇشىن قولدانىلاتىن بولادى. قازىر اۋدان ورتالىعى - يندەربور كەنتىنە 20 توننادان استام ازىق-تۇلىك قورى جەتكىزىلدى. ونىڭ ىشىندە ءبىرىنشى كەزەكتە تۇتىنۋعا قاجەتتى ۇن، ماكارون، ءسۇت، كۇنباعىس مايى، كوكونىستەر جانە گيگيەنالىق زاتتار بار»، - دەدى التىنبەك مارات ۇلى.
ەسكە سالا كەتەلىك، بۇدان بۇرىن جايىق وزەنىنىڭ سۋى يندەر اۋدانىندا قاۋىپتى دەڭگەيدەن اسىپ كەتكەنىن جازعان ەدىك.
سونداي-اق، يندەر اۋدانىندا 25 مىڭ مالدى قاۋىپسىز اۋماققا شىعارۋ جوسپارلانىپ وتىر.
اۆتور
جولداسبەك شوپەعۇل
