تاسقىن سۋدىڭ ورتاسىنان 60 جىلقى قاۋىپسىز اۋماققا شىعارىلدى

اتىراۋ. KAZINFORM - اتىراۋ قالاسىنان 30 شاقىرىم قاشىقتىقتاعى تاسقىن سۋدىڭ ورتاسىنان 60 جىلقى قاۋىپسىز اۋماققا شىعارىلدى.

жылқылар
فوتو: اتىراۋ وبلىستىق ت ج د

اتىراۋ وبلىستىق توتەنشە جاعدايلار دەپارتامەنتى قوعاممەن بايلانىس توبىنىڭ اقپاراتىنا قاراعاندا، 60 جىلقى تاسقىن سۋدىڭ ورتاسىندا قالعان.

تاسقىن سۋ اتىراۋ قالاسىنان 30 شاقىرىم قاشىقتىقتاعى №17-تەمىرجول بەكەتىنىڭ تۇسىنا جايىلعان. بۇگىن توتەنشە جاعدايلار دەپارتامەنتىنە قاراستى جەدەل- قۇتقارۋ جاساعىنىڭ قۇتقارۋشىلارى تاسقىن سۋدىڭ ورتاسىنان 60 باس جىلقىنى قاۋىپسىز جەرگە شىعاردى. جىلقىنىڭ اراسىندا 10 قۇلىن بولعان. قىلقۇيرىقتىنىڭ كەيبىرى باتپاققا باتقان.

بۇل جۇمىسقا وڭىرلىك دەپارتامەنتتىڭ 5 قۇتقارۋشىسى، 1 قايىق، 1 تەحنيكا جۇمىلدىرىلدى.

ەسكە سالا كەتەلىك، بۇعان دەيىن اتىراۋلىق قۇتقارۋشىلار تاسقىن سۋدىڭ ورتاسىنان 270 جىلقىنى قاۋىپسىز جەرگە شىعارعانىن حابارلاعان بولاتىنبىز.

سونداي-اق، كەشە اتىراۋدا تاسقىن سۋ 100 مەترگە جۋىق بوگەتتى شايىپ كەتكەنىن جازعان ەدىك.

ال، كەشە جايىق وزەنىندەگى سۋ دەڭگەيى ماحامبەت اۋدانىندا 10 مەتردەن تومەن تۇسكەنىن حابارلادىق.

اۆتور
جولداسبەك شوپەعۇل

سوڭعى جاڭالىقتار