تاريحي سانانى جاڭعىرتۋ: جەڭىمپاز ۇلت قانداي بولۋى كەرەك؟

بۇل تۋرالى مەملەكەت تاريحى ينستيتۋتىنىڭ ديرەكتورى نۇربەك پۇسىرمانوۆ e-history.kz پورتالىنا بەرگەن سۇحباتىندا ايتتى.

تاريحشى «جەڭىمپاز ۇلت» جانە «جاسامپاز ۇلت» ۇعىمدارىنىڭ مانىنە توقتالىپ، قوعامنىڭ تاريحي ساناسى مەن ونىڭ بولاشاققا دەگەن كوزقاراسى ەلدىڭ دامۋىندا ماڭىزدى ءرول اتقاراتىنىن اتاپ ءوتتى.

جەڭىمپاز ۇلت تاريحتا جەڭىلىستەردەن ادا ۇلت ەمەس. بۇل - ءوزىنىڭ باسەكەگە قابىلەتتىلىگىن كورسەتە الاتىن، بەلگىلى ءبىر تاريحي قاسىرەتتەرىن ەڭسەرە وتىرىپ، قوعامنىڭ جاڭا جۇيەسىنە سايكەس قۇندىلىقتارىن ورنىقتىرىپ، ينستيتۋتتارىن جاڭالاپ، بولاشاققا ۇمتىلاتىن قوعام، - دەدى نۇربەك پۇسىرمانوۆ.

ونىڭ ايتۋىنشا، تاريحي قيىندىقتاردى ەڭسەرۋ جانە وتكەننەن ساباق الۋ قوعامنىڭ جاڭا دامۋ كەزەڭىنە بەيىمدەلۋىنە مۇمكىندىك بەرەدى. بۇل رەتتە ۇلتتىق قۇندىلىقتاردى جاڭعىرتۋ، قوعامدىق ينستيتۋتتاردى جەتىلدىرۋ جانە باسەكەگە قابىلەتتى ورتانى قالىپتاستىرۋ ماڭىزدى.

سۇحبات بارىسىندا نۇربەك پۇسىرمانوۆ قازاقستاننىڭ تاۋەلسىزدىك جىلدارىنداعى ساپالىق وزگەرىستەرىنە، ۇلتتىق سانانىڭ جاڭعىرۋىنا جانە تاريحي جاراقاتتاردى ەڭسەرۋ ماسەلەسىنە توقتالدى.

تاريحشى سونداي-اق «جاسامپاز ۇلت قانداي بولۋى كەرەك؟»، «تاريحي سانا قوعامنىڭ دامۋىنا قالاي ىقپال ەتەدى؟»، «قازاقستاننىڭ تاۋەلسىزدىك جىلدارىنداعى وزگەرىستەرىن جەڭىمپاز ۇلت قالىپتاستىرۋ جولىنداعى قادامدار دەپ قاراستىرۋعا بولا ما؟» دەگەن ساۋالدارعا جاۋاپ بەردى.

سۇحباتتىڭ تولىق نۇسقاسىن e-history.kz پورتالىنىڭ YouTube ارناسىنان كورۋگە بولادى.