تارازدا جاسىرىن ورىندارعا ەسىرتكى قويۋمەن اينالىسقان قىز 15 جىلعا سوتتالۋى مۇمكىن
تاراز. KAZINFORM - تارازدا ەسىرتكى قويىپ كەتۋمەن اينالىسقان قىز 15 جىلعا سوتتالۋى مۇمكىن. بۇل تۋرالى ءى ءى م باسپا ءسوز قىزمەتى جازدى.
تاراز پوليتسەيلەرى سينتەتيكالىق زاتتاردى جاسىرىن ورىندارعا قويىپ كەتىپ ءجۇر دەگەن كۇدىكپەن 26 جاستاعى قىزدى ۇستادى. ونىڭ جالدامالى پاتەرىندە ءتىنتۋ جۇرگىزگۋدىڭ ناتيجەسىندە ءىرى كريستالدى ۇنتاق زاتى بار 6 zip-پاكەت تابىلدى. سوت- حيميالىق ساراپتامانىڭ قورىتىندىسىنا سايكەس كۇدىكتىدەن 12,75 گرامم مەفەدرون جانە 95,31 گرامم الفا- pvp تاركىلەندى. پاتەردەن تارازىلار مەن قاپتاۋعا ارنالعان ءارتۇرلى زاتتار تابىلدى.
26 جاستاعى قىزدىڭ ايتۋىنشا، ول ەسىرتكى بيزنەسى سالاسىنا قارجىلىق ماسەلەلەرگە بايلانىستى تۇسكەن. باستاپقىدا ول ءوزى پايدالانۋ ءۇشىن «سينتەتيكا» ساتىپ العان. سودان كەيىن قارجىلىق قيىندىقتارعا تاپ بولعان كەزدە جاسىرىن ورىندارعا ەسىرتكى قويىپ كەتىپ، قوسىمشا اقشا تابۋدى شەشكەن.
«تاركىلەنگەن زاتتاردىڭ جالپى سالماعى 108,06 گرامم بولدى. جەڭىل پايدا تابۋ ءۇشىن قىز پسيحوتروپتىق زاتتاردى بايلانىسسىز ساتۋدى ۇيىمداستىرۋعا شەشىم قابىلداعان. سحەما قاراپايىم بولدى - قولما-قول اقشاسىز ەسەپ ايىرىسۋ جانە ارنايى جاسىرىن ورىنداعى تاۋار. ول ەسىرتكىنىڭ ءىرى پارتياسىن ارنايى جاسىرىن ورىنداردان الىپ كەتىپ، سودان كەيىن ولاردى ءبىر دوزاعا شاقتاپ ولشەپ، بۋىپ- ءتۇيىپ، ودان ءارى ساتۋمەن اينالىسقان. كۇدىكتى قىلمىستىق توپتىڭ باسقا وكىلدەرىمەن تەك الەۋمەتتىك جەلىلەر ارقىلى سويلەسكەن. پوليتسەيلەر قىلمىستىق ارەكەتكە قاتىسى بارلاردى انىقتاۋ بويىنشا جۇمىس ىستەپ جاتىر»، - دەدى جامبىل وبلىسى پ د ەسىرتكى قىلمىسىنا قارسى ءىس- قيمىل باسقارماسىنىڭ باستىعى ءالىم باجىقبايەۆ.
