تارازدا شاۆكات راحمونوۆتىڭ زايىبىنا قاتىستى سوت قاراۋى باستالدى
تاراز. KAZINFORM - ايىپتاۋشى تاراپ ايەلدى جول-كولىك وقيعاسىندا ەكى ادامنىڭ مەرت بولۋىنا كىنالى دەپ سانايدى، دەپ حابارلايدى Kazinform ءتىلشىسى.
تارازدا گۇلايىم راحمونوۆانىڭ قاتىسۋىمەن ادامدار ولىمىنە اكەپ سوقتىرعان جول-كولىك وقيعاسى ءىسى بويىنشا سوت قاراۋى باستالدى. وتىرىس بارىسىندا پروكۋرور ايىپتاۋدى جاريالاپ، اپات بولعان كۇنى سوتتالۋشىنىڭ اپكەسى، ۇلى جانە دوسىمەن جولدا كەلە جاتقانىن حابارلادى. ايىپتاۋ تاراپىنىڭ مالىمەتىنشە، ول كولىكتى ءتۇنى بويى جۇرگىزىپ، قاتتى شارشاعانىنا قاراماستان ءرۋلدى باسقا جۇرگىزۋشىگە بەرمەگەن.
ەسكە سالساق، بيىل 27-شىلدەدە ساعات 08:50 دە «الماتى-ەكاتەرينبۋرگ» رەسپۋبليكالىق ماڭىزى بار اۆتوجولىنىڭ 299 شاقىرىمىندا جول-كولىك وقيعاسى بولدى.
الماتىعا بارا جاتقان «Toyota Land Cruiser 200» ماركالى كولىگىنىڭ جۇرگىزۋشىسى ءرۋلدى باسقارا الماي، كولىك اۋدارىلعان. جول-كولىك وقيعاسىنان ەكى ادام قايتىس بولدى. سونىمەن قاتار، وسى جول اپاتىنان كەيىن شاۆكات راحمونوۆتىڭ زايىبى مەن ۇلى اۋرۋحاناعا جەتكىزىلىپ، دارىگەرلەردىڭ باقىلاۋىندا بولدى.
باستاپقىدا شاۆكات راحمونوۆتىڭ زايىبى گۇلايىم راحمونوۆا تەرگەۋ ماتەريالدارىندا قورعانۋ قۇقىعى بار كۋاگەر رەتىندە كورسەتىلگەن. الايدا كەيىن ايەل سوتتالۋشىلار قاتارىندا بولدى.
2025-جىلدىڭ قاراشاسىندا راحمونوۆتىڭ زايىبى تىزگىندەگەن كولىك اپاتىنا قاتىستى تەرگەۋ اياقتالۋعا جاقىنداعانىن جازدىق.
