تاراز قالاسىندا كۇشتى جارىلىس بولدى
تاراز. KAZINFORM - تاراز قالاسىنىڭ قاراسۋ شاعىن اۋدانىندا جارىلىس بولدى. جاۋاپتى قىزمەت ونىڭ سەبەپتەرىن انىقتاپ جاتىر.

«22-ماۋسىم ساعات 21:50 دە «QazaqGaz Aimaq» ا ق جامبىل وندىرىستىك فيليالىنىڭ جەدەل- ديسپەتچەرلىك قىزمەتىنە تاراز قالاسىنىڭ «قاراسۋ» شاعىن اۋدانىندا كۇشتى جارىلىس بولعانى تۋرالى حابارلاما ءتۇستى. زارداپ شەككەندەر جوق»، - دەپ مالىمدەدى ۆەدومستۆودان.
وڭىردەگى وندىرىستىك فيليال جارىلىس ورنىندا گاز قۇبىرىنىڭ وتپەي تۇرعانىن، توتەنشە وقيعا باسقا سەبەپتەرمەن بولعانىن جانە انىقتالىپ جاتقانىن حابارلادى.
«گاز قىزمەتىنىڭ ماماندارى وقيعا ورنىن گاز اناليزاتورىمەن تەكسەرىپ، اۋادا گاز كونتسەنتراتسياسى جوقتىعىنا كوز جەتكىزدى.
قازىرگى ۋاقىتتا وقيعا ورنى قورشاۋعا الىندى، بارلىق قالالىق قىزمەتتەر وقيعا ورنىندا جۇمىس ىستەپ جاتىر، جارىلىس سەبەپتەرى انىقتالۋدا. الدىن الا بولجام بويىنشا، جەراستى جوعارى ۆولتتى ەلەكتر جەلىسىندە قىسقا تۇيىقتالۋ ورىن العان»، - ەيدى ۆەدومستۆونىڭ قوعاممەن بايلانىس دەپارتامەنتىنىڭ ديرەكتورى مۇحيت ىقىلاس.