«تۇمار» مەن «ۇركەر» سىيلىعىنىڭ جەڭىمپازدارى انىقتالدى

بايقاۋ قازاقستان رەسپۋبليكاسى مادەنيەت جانە اقپارات مينيسترلىگىنىڭ باستاماسىمەن ۇيىمداستىرىلدى.

- تۇمارعا دا، ۇركەرگە دە، «Astana media week» دە بيىل 10 جىل. ون جىل دەگەن وڭاي بەلەس ەمەس. وعان جەتۋ ءۇشىن ۇلكەن ەڭبەك كەرەك. مەملەكەت ءاردايىم كاسىبي جۋرناليستەردى قولداۋعا مۇددەلى. مەملەكەت باسشىسى دا جۋرناليستيكا سالاسىنا ەرەكشە كوڭىل ءبولىپ، سالا وكىلدەرىنە قولداۋ كورسەتىپ كەلەدى. مەنىڭ ويىمشا، الداعى ۋاقىتتا دا مەملەكەتتىڭ مەديا سالاسىنا قاتىستى ساياساتى وزگەرمەيدى. سىزدەر مەملەكەت قولداۋىن سەزىنىپ، ونىڭ قامقورلىعىندا بولاسىزدار دەپ سەنەمىن، - دەدى العى سوزىندە ق ر مادەنيەت جانە اقپارات ءمينيسترى ارمان قىرىقبايەۆ.

بيىل سايىسقا 12 اتالىم بويىنشا 600 دەن استام ءوتىنىم قابىلدانعان. ولاردىڭ قاتارىندا تەليەۆيزيا، باسپا ءسوز، ينتەرنەت جانە راديو سالالارىنداعى جۋرناليستىك جۇمىستار بار.

زاماناۋي مەدياتەحنولوگيالار مەن تىڭ فورماتتارعا دا نازار اۋدارىلدى. بيىل العاش رەت «جۋرناليستيكانىڭ بولاشاعى: جاساندى ينتەللەكت سالاسىنداعى ۇزدىك جوبا» اتتى ارنايى اتالىم ەنگىزىلدى.

ال بايقاۋ جەڭىمپازدارى تومەندەگىدەي:

«ۇركەر» ۇلتتىق سىيلىعىنىڭ جەڭىمپازدارى:

- «جىلدىڭ ۇزدىك جۋرناليسى» - Bestnews.kz جانار سەردالينا

- «ۇزدىك راديوجوبا» - قازاق راديوسى - «ويتۇما» باعدارلاماسى

- «جۋرناليستيكانىڭ بولاشاعى: جاساندى ينتەللەكت سالاسىنداعى ۇزدىك جوبا - Aitainews Media Centre - Al - جان»

- «ۇزدىك مەديا جوبا» - Tengrinews - Tengri TV

- «جىلدىڭ ۇزدىك ماتەريالى» - ميرامگۇل راحات قىزى

- «اقتوبە» گازەتى - «جاساندى ينتەللەكت: ادامزات جاڭا داۋىرگە اياق باستى»

- «ۇزدىك تالدامالىق ماتەريال» - لاۋرا تۋسۋپبەكوۆا - «كازاحستانسكايا پراۆدا»، «مويا د ن ك - ناشە بوگاتستۆو»

«تۇمار» ۇلتتىق سىيلىعىنىڭ جەڭىمپازدارى:

- «ۇزدىك تەلەجۇرگىزۋشى» - ۆەرونيكا ۆيشنيەۆسكايا - «ەۋرازيا» ءبىرىنشى ارناسى

- «ۇزدىك دەرەكتى جوبا» - 24KZ «4739» (اعزانى ترانسپلانتاتسيالاۋ تۋرالى)

- «ۇزدىك تەليەۆيزيالىق ماتەريال» - Qazaqstan تەلارناسى - «قارقىندى قۇرىلىس»

- «ۇزدىك الەۋمەتتىك جوبا» - Jibek joly - «پراۆدا ۆ دەتالياح»

- «ۇزدىك تەلەحيكايا» - Astana TV «اۋىل باپكەرى»

- «ۇزدىك اقپاراتتىق- تالدامالىق باعدارلاما» - 7-ارنا - «نوۆوستي»

ايتا كەتەيىك، 2025 -جىلى وتكەن «تۇمار» ۇلتتىق سىيلىعىندا JIBEK JOLY تەلەارناسى ەكى نوميناتسيا بويىنشا جەڭىمپاز اتانعان ەدى.