15:06, 09 - ناۋرىز 2024 | GMT +6
تانزانيادا تاسباقا ەتىن جەگەن 8 ادام كوز جۇمدى
استانا. KAZINFORM - تانزانيانىڭ زانزيبار ايماعىنداعى پەمبا ارالىندا تەڭىز تاسباقاسىنىڭ ەتىن جەگەن 8 بالا قايتىس بولىپ، 78 ەرەسەك ادام ۋلاندى. بۇل تۋرالى شينحۋا اقپارات اگەنتتىگى جازدى.
جەرگىلىكتى دەنساۋلىق ساقتاۋ باسقارماسىنىڭ قىزمەتكەرى حادجي باكاري حادجيدىڭ مالىمدەۋىنشە، مەديتسينالىق زەرتحانانىڭ قورىتىندىسى بويىنشا ۋلانعانداردىڭ سەيسەنبى كۇنى تاسباقا ەتىن جەگەنى بەلگىلى بولدى.
ەسكە سالا كەتسەك، وسىدان ءبىر جىل بۇرىن، ياعني، 2023 -جىلدىڭ ناۋرىز ايىندا تانزانيانىڭ مافيا ارالىندا تەڭىز تاسباقاسىنىڭ ەتىن جەگەن 7 ادام كوز جۇمىپ، تاعى 8 ى ۋلانعان.
