تانىمال قازاقستاندىق اۋىر اتلەت 8 جىلعا سپورتتان شەتتەتىلۋى مۇمكىن

قازاقستاندىق اۋىر اتلەت زۋلفيا چينشانلونىڭ باسى تاعى دا داۋعا قالدى، دەپ حابارلايدى Kazinform.

دۇنيەجۇزىلىك دوپينگكە قارسى اگەنتتىك (WADA) تاراتقان مالىمەت كوزدەرىنە سۇيەنسەك، ءبىر جىلدان بەرى ۇلكەن جارىستارعا شىقپاعان چينشانلوعا تاعى دا دوپينگ قولداندى دەگەن ايىپ تاعىلدى.

جارىستان تىس كەزەڭدە الىنعان مىندەتتى دوپينگ-باقىلاۋدان كەيىن اۋىراتلەت سپورتتىق قىزمەتتەن ۋاقىتشا شەتتەتىلگەن. ونىڭ سىناماسىنان «مەتانديەنون» انابوليكالىق ستەرويد بەلگىلەرى بايقالعان. ەگەر، سپورتشىنىڭ دوپينگ قولدانعانى راستالىپ جاتسا، ول تاعى سەگىز جىلعا سپورتتان شەتتەتىلۋى مۇمكىن.

ەستەرىڭىزگە سالا كەتەيىك، چينشانلو 2012-جىلى لوندون وليمپياداسىندا قوسسايىس قورىتىندىسى بويىنشا 226 (95 + 131) كەلىنى باعىندىرىپ، چەمپيون اتانعان بولاتىن. وكىنىشكە قاراي جەڭىس تويى ۇزاققا بارمادى. ونىڭ وليمپيادا ويىندارىندا دوپينگ قولدانعانى دالەلدەنىپ، التىن مەدالىنەن ايىرىلىپ قالدى. سونداي-اق مەدالىنەن ايىرىلىپ قانا قويماي، 2016-2018-جىلدارى بارلىق ساناتتاعى جارىسقا قاتىسۋ قۇقىعىنان ايىرىلدى.

الايدا، سپورتتان شەتتەتۋ مەرزىمى اياقتالعاننان كەيىن سپورتشى توكيو وليمپياداسىنا قاتىسىپ، 55 كەلى سالماقتا ەل قورجىنىنا قولا مەدال سالعان بولاتىن.

اۆتور كۇنسۇلتان وتارباي