تانىمال جۋرناليست دياس احمەتشارىپ كوماعا ءتۇستى
استانا. KAZINFORM - دارىگەرلەر تانىمال جۋرناليست دياس احمەتشارىپ كوماعا تۇسكەنىن راستادى.
ماڭعىستاۋ وبلىستىق كوپسالالى اۋرۋحانا باسپا ءسوز قىزمەتىنىڭ مالىمەتىنە قاراعاندا، دياس احمەتشارىپتىڭ ميىنا قان قۇيىلىپ، كوماعا ءتۇستى. ول قازىر دارىگەرلەردىڭ باقىلاۋىندا جاتىر.
د. احمەتشارىپ بىرنەشە كۇن بۇرىن الەۋمەتتىك جەلىدەگى پاراقشاسىندا اقتاۋعا ىسساپارمەن كەلگەنى جايىندا ۆيدەو جاريالاعان.
ەسكە سالساق، 2023 -جىلدىڭ كۇزىندە دياس احمەتشارىپ تۋريزم جانە سپورت ءمينيسترىنىڭ قوعاممەن بايلانىس جانە ب ا ق جونىندەگى كەڭەسشىسى قىزمەتىنە تاعايىندالعان.
سونىمەن قاتار ول ىشكى ىستەر مينيسترلىگى جانىنداعى ەسىرتكى قىلمىسىنا قارسى كۇرەس جونىندەگى كەڭەستىڭ قۇرامىندا جۇمىس ىستەپ ءجۇر.
ول ەڭبەك جولىن 1997 -جىلى قازاق راديوسىنىڭ رەپورتەرى بولىپ باستاعان. ۇزاق جىلدار «حابار» اگەنتتىگى مەن «قازاقستان» تەلەارناسىندا سپورت جۋرناليسى بولعان.
«قازسپورت» مەملەكەتتىك تەلەارناسىنىڭ تۇڭعىش ديرەكتورى، «Insport» تەلەارناسىنىڭ باس رەداكتورى قىزمەتىن اتقارعان.
2003-2007 ج ج. - ق ر سپورت جانە تۋريزم ىستەرى اگەنتتىگىنىڭ باسپا ءسوز قىزمەتىنىڭ باسشىسى، باسپا ءسوز حاتشىسى؛
2010 - 2012 ج ج. - «استانا- س ك» كورپوراتيۆتىك قورىنىڭ قوعاممەن بايلانىس دەپارتامەنتىنىڭ ديرەكتورى (سپورتتى قولداۋ قورى)؛
2012-2013 ج ج. - ق ر سپورت جانە دەنە شىنىقتىرۋ ىستەرى اگەنتتىگى ءتوراعاسىنىڭ كەڭەسشىسى.
وليمپيادا جانە ازيا ويىندارىنىڭ، سپورت تۇرلەرىنەن الەم چەمپيوناتتارىنىڭ سپورت شولۋشىسى جانە ق ر قۇراماسىنىڭ باسپا ءسوز اتتاشەسى بولعان.
اۆتور
رۋسلان عابباسوۆ
