تانىمال بوكسشى جانقوش تۇراروۆقا قىز زورلادى دەگەن ايىپ تاعىلدى
استانا. KAZINFORM – ب ا ق بەتتەرى مەن الەۋمەتتىك جەلىلەردە تانىمال بوكسشى جانقوش تۇراروۆ قىز زورلادى دەگەن اقپارات تارادى.
الماتى قالالىق پوليتسيا دەپارتامەنتى اگەنتتىك ءتىلشىسىنىڭ ساۋالىنا وراي، قىلمىستىق ءىس قوزعالعانىن راستادى. ءبىراق ايىپتالۋشىنىڭ جەكە باسىنا قاتىستى مالىمەتتى ناقتىلامادى.
«كەلىپ تۇسكەن ارىزعا بايلانىستى اۋەزوۆ اۋداندىق پوليتسيا باسقارماسى قىلمىستىق ءىس قوزعادى. سوت- مەديتسينالىق ساراپتاما تاعايىندالدى. قازىر وقيعانىڭ تولىق ءمان- جايىن انىقتاۋ ءۇشىن تەرگەۋ ءجۇرىپ جاتىر»، - دەلىنگەن ۆەدومستۆو ۇسىنعان حابارلامادا.
ايتا كەتەيىك، 33 جاستاعى جاڭقوش تۇراروۆ - كاسىبي بوكسشى. 2023 -جىلدىڭ 21-ناۋرىزىنان باستاپ جارتىلاي ورتا سالماقتاعى IBO بوكستان الەم چەمپيونى.
28-قىركۇيەكتە الماتىدا وتەتىن AllStarsBoxing كەشىندە جاڭقوش تۇراروۆ IBO WORLD جانە WBA WORLD GOLD الەم تيتۋلدارىن قورعايتىنى جوسپارلانعان.
