تامارا دۇيسەنوۆا: ەڭبەك ينسپەكتسياسىن جەرگىلىكتى اكىمدىككە بەرۋ قاتە شەشىم بولدى

بۇگىندە جەرگىلىكتى اكىمدىكتەرگە قارايتىن ەڭبەك ينسپەكتسياسى ەڭبەك جانە حالىقتى الەۋمەتتىك قورعاۋ مينيسترلىگىنە قايتارىلادى.

بۇل تۋرالى Jibek Joly تەلەارناسىنىڭ «ۋادە» باعدارلاماسىنا سۇحبات بەرگەن پرەمەر-ءمينيستردىڭ ورىنباسارى تامارا دۇيسەنوۆا ايتتى، دەپ حابارلايدى Kazinform.

ونىڭ اتاپ وتۋىنشە، 2013-2014-جىلدارى ورتالىق ورگانداردىڭ كوپتەگەن قىزمەتى جەرگىلىكتى جەرلەرگە بەرىلدى.

سول ۋاقىتتا ەڭبەك مينيسترلىگىنىڭ قۇرامىندا بولعان ەڭبەك ينسپەكتسياسى دا جەرگىلىكتى جەرلەردەگى ماسەلەلەردى جەدەل شەشۋ ءۇشىن ءوڭىر اكىمدەرىنە ءوتتى.

«ارينە، ولار جۇمىس ىستەپ جاتقان جوق دەپ ايتا المايمىن. ءبىراق، ول قاتە شەشىمدەردىڭ ءبىرى دەپ ەسەپتەيمىن. سوندىقتان مينيسترلىكتە جۇرگەن كەزىمدە دە ۇسىنىس جاسادىق. قازىر وسى ۇسىنىسىمىزدى ۇكىمەت تە قولداپ وتىر. زاڭعا ەنگىزۋ ماسەلەسىن قاراستىرىپ جاتىرمىز. ەڭبەك ينسپەكتسياسى قايتادان ەڭبەك مينيسترلىگىنە قايتارىلىپ، ەڭبەك زاڭناماسىن ءبىرتۇتاس قاداعالاپ وتىراتىن تاۋەلسىز باقىلاۋشى ورگان رەتىندە قۇرىلادى»، - دەدى تامارا دۇيسەنوۆا.