تالدىقورعاندا تيكتوك جەلىسىندە بەيادەپ سوزدەر ايتقان ايەل جازالاندى
استانا. قازاقپارات - ينتەرنەت كەڭىستىگىنە مونيتورينگ جۇرگىزۋ بارىسىندا پوليتسەيلەر TikTok الەۋمەتتىك جەلىسىندەگى تىكەلەي ەفير كەزىندە قوعامدىق ءتارتىپتى بۇزۋ دەرەگىن انىقتادى، دەپ حابارلايدى turkystan.kz.
اتاپ ايتقاندا، تالدىقورعاننىڭ 35 جاستاعى تۇرعىنى انەليا ەرمەنبەتوۆا تىكەلەي ەفير بارىسىندا الكوگولدىك ىشىمدىك ءىشىپ، بەيادەپ سوزدەر ايتقان.
پوليتسيا قىزمەتكەرلەرى ايەلدىڭ جەكە باسىن جەدەل انىقتاپ، ءتيىستى شارالار قابىلدادى.
سوت شەشىمىمەن قۇقىق بۇزۋشى اكىمشىلىك جاۋاپكەرشىلىككە تارتىلىپ، وعان ايىپپۇل سالىندى.
پوليتسيا ازاماتتاردى قوعامدىق ءتارتىپتى ساقتاۋعا، اينالاسىنداعىلارعا قۇرمەتپەن قاراۋعا جانە قوعامدا ءوزارا سىيلاستىق پەن ءتارتىپ قاعيداتتارىن ۇستانۋعا شاقىرادى. ءاربىر ازامات ءوز ارەكەتىنە جاۋاپكەرشىلىكپەن قاراپ، زاڭ تالاپتارىن ساقتاۋى ءتيىس. قۇقىققا قايشى كەز كەلگەن ارەكەت ءۇشىن زاڭنامادا بەلگىلەنگەن تارتىپپەن جاۋاپكەرشىلىك كوزدەلگەن.
