تالدىقورعاندا جول اپاتىنان ءبىر ادام قازا تاۋىپ، ءۇش ادام جاراقات الدى
استانا. KAZINFORM - تالدىقورعاندا ەكى كولىك سوقتىعىسىپ، جول اپاتى بولدى. قايعىلى وقيعا تۋرالى اقپارات الەۋمەتتىك جەلىلەردە تارادى. جول اپاتى قالاداعى اينالما جولدا بولعانى بەلگىلى بولدى. بۇل تۋرالى Kazinform اگەنتتىگىنىڭ ءتىلشىسى جازدى.
پوليتسيانىڭ مالىمەتىنشە، جول-كولىك وقيعاسىنا بايلانىستى قىلمىستىق ءىس قوزعالدى.
- جول اپاتىنان ءبىر ادام قازا تاپتى. تاعى ءۇش ادام مەديتسينالىق مەكەمەگە جەتكىزىلدى، - دەپ حابارلادى پوليتسيا.
قازىرگى ۋاقىتتا پوليتسيا قىزمەتكەرلەرى جول اپاتىنىڭ بارلىق ءمان-جايىن انىقتاپ جاتىر.
پوليتسيا جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا، مانەۆر جاساۋ جانە قيىلىستاردان ءوتۋ كەزىندە بارىنشا مۇقيات بولۋعا، قارسى باعىتتاعى كولىككە جول بەرۋگە جانە جىلدامدىقتى قاۋىپسىز دەڭگەيدە تاڭداۋعا شاقىردى.
بۇعان دەيىن پاۆلودار وبلىسىندا بولعان جول اپاتىنان ءبىر بالا قازا تاۋىپ، ءۇش بالا مەن ەر ادام جانە ايەل اۋرۋحاناعا جاتقىزىلعانى حابارلانعان بولاتىن.
