09:23, 26 - اقپان 2025 | GMT +5
تالدىقورعاندا وزەننەن وتپەك بولعان كولىكتەر مۇز استىنا ءتۇسىپ كەتتى
استانا. KAZINFORM - وقىس وقيعا جەتىسۋ وبلىسى تالدىقورعان قالاسىنان 5 ك م قاشىقتىقتا بالىقتى وزەنىندە بولدى، دەپ حابارلايدى ت ج م باسپا ءسوز قىزمەتى.
جەتىسۋ وبلىسىندا تالدىقورعان قالاسىنان 5 ك م قاشىقتىقتا دەمالىس ورنى ماڭىندا وزەن ارقىلى ءوتۋ كەزىندە ەكى جەڭىل اۆتوكولىك جارتىلاي مۇز استىنا ءتۇسىپ كەتتى.
- ت ج م جەدەل- قۇتقارۋ جاساعىنىڭ كۇشىمەن كولىكتەر بالىقتى وزەنىنىڭ ساعاسىنان جاعاعا شىعارىلدى. بارلىعى 5 ادام قۇتقارىلدى، مەديتسينالىق كومەك قاجەت بولمادى، - دەلىنگەن حابارلامادا.
ت ج م مۇز ۇستىمەن ءجۇرۋدىڭ قاۋىپتى ەكەنىن ەسكەرتەدى جانە قاۋىپسىزدىك شارالارىن ساقتاۋعا شاقىرادى.
