تالدىقورعاندا ماس بولىپ كولىك جۇرگىزگەن قىز جۇكتىمىن دەپ سوتتى الدادى

мас жүргізуші
Фото: Polisia.kz

تالدىقورعاندا ماس بولىپ كولىك باسقارعان جاس قىزعا قاتىستى تەرگەۋ باستالدى، دەپ حابارلايدى Kazınform.

جاقىندا كولىكتى ماس كۇيىندە باسقارعانى ءۇشىن ۇستالعان تالدىقورعان قالاسىنىڭ 24 جاستاعى تۇرعىنى سوتقا جۇكتىلىگى تۋرالى جالعان مەديتسينالىق انىقتاما ۇسىنعان.

وسىلايشا بويجەتكەن اكىمشىلىك قۇقىق بۇزۋشىلىق ءۇشىن قازاقستان زاڭناماسىندا كوزدەلگەن جازادان قۇتىلماق بولدى.

جالعان قۇجاتتى پايدالانۋ ارقىلى سوتتى الداۋ فاكتىسى پروكۋرورلىق تەكسەرىس بارىسىندا انىقتالدى.

ەستەرىڭىزگە سالا كەتەيىك، جاقىندا پاترۋل پوليتسيا قىزمەتكەرلەرى قاتتى ماس كۇيىندە حاۆال كولىگىن جۇرگىزىپ كەلە جاتقان 24 جاستاعى قىزدى ۇستاعان.

مەديتسينالىق ساراپتاما قىزدىڭ ماس بولعانىن راستادى. وعان ق ر ا ق ب ت ك 608 -بابى بويىنشا حاتتاما تولتىرىلدى.

بۇل باپتىڭ سانكسياسىندا 15 تاۋلىككە قاماۋعا الۋ جانە 7 جىلعا جۇرگىزۋشى كۋالىگىنەن ايىرۋ جازاسى قاراستىرىلعان.

الايدا سوتتا ول قامالۋ جازاسىنان قۇتىلۋ ماقساتىندا جۇكتىلىگىن راستايتىن مەديتسينالىق انىقتاما ۇسىندى.

اكىمشىلىك جازادان جالتارۋ ارەكەتى قىزدىڭ جاعدايىن ودان ءارى قيىنداتىپ جىبەردى، ەندى ول قىلمىستىق زاڭناماعا سايكەس جاۋاپكەرشىلىككە تارتىلادى.

بۇل فاكتى بويىنشا ق ر قىلمىستىق كودەكسىنىڭ 385- بابىنىڭ 3- بولىگى بويىنشا سوتقا دەيىنگى تەرگەۋ باستالدى .

ول باپتا اسا ءىرى كولەمدە ايىپپۇل سالۋ، تۇزەۋ جۇمىسىنا نە قوعامدىق جۇمىسقا تارتۋ، نەمەسە 40 تاۋلىككە دەيىن قاماۋعا الۋ جازاسى قاراستىرىلعان.

سوڭعى جاڭالىقتار