تالدىقورعاندا ۇلتتىق ناقىشتاعى 36 جاڭا ايالداما ورناتىلادى

تالدىقورعان. KAZINFORM - وبلىس ورتالىعىنا بيىل ۇلتتىق ناقىشتا 36 ايالداما ورناتۋ جوسپارلانىپ وتىر. 1 ايالداما كەشەنىنىڭ قۇنى - 8 ميلليون تەڭگەگە جۋىق.

смарт аялдама
فوتو: تالدىقورعان قالاسىنىڭ اكىمدىگى

تالدىقورعان قالالىق اكىمدىگىنىڭ باسپا ءسوز قىزمەتىنىڭ مالىمەتىنە سۇيەنسەك، قالادا جالپى سانى 282 ايالداما بار. ونىڭ 21 ى - زاماناۋي ۇلگىدە سالىنعان سمارت ايالدامالار.

2018 -جىلى قولدانىسقا بەرىلگەن ولاردىڭ باسىم بولىگى پاناسىزداردىڭ مەكەنىنە اينالىپ، اينەگى شاعىلىپ، ەسىگى جابىلىپ قالعان ەدى. ادام كورگىسىز جاعدايعا جەتكەن ايالدامالاردى اكىمدىك 5 جىلعا سەنىمگەرلىك باسقارۋعا بەرىپ، قالپىنا كەلتىرۋ جۇمىستارى وتكەن جىلدىڭ كۇزىندە باستالعان بولاتىن. بيىل تولىق اياقتالادى دەپ وتىر. قالا ورتالىعىنان شەتكەرى تۇراتىن تۇرعىنداردىڭ ءبىر ماسەلەسى وسى جەلدە ىق، جاۋىندا پانا بولار ايالداما ەدى.

- تالدىقورعان قالاسىنا 2025 -جىلى 36 ايالداما ورناتۋ جوسپارلانىپ وتىر. جالپى قۇنى - 281 ميلليون تەڭگە. ونىڭ 100 ميلليون تەڭگەسى ءبولىندى. ايالدامانىڭ ءوزى باسى عانا 2 ميلليونعا جۋىق تۇرادى. جالپى 1 ايالداما كەشەنىنىڭ قۇرىلىسى - 8 ميلليونعا جۋىق. ونىڭ ىشىنە اۆتوبۋستىڭ كىرۋ جيەگى، اباتتاندىرىلۋى، قوقىس جاشىگى ت. ب. كىرەدى. وسىلايشا ايالدامالاردىڭ جالپى سانى 318 گە جەتەدى، - دەدى قالالىق جولاۋشىلار كولىگى جانە اۆتوموبيل جولدارىنىڭ بولىمىنەن.

смарт аялдама
فوتو: تالدىقورعان قالاسىنىڭ اكىمدىگى

جاڭا ايالدامالار ۇلتتىق ناقىشتا بولادى. قالا ورتالىعىنان بولەك سولتۇستىك- باتىس تۇرعىن ءۇي الابىنداعى ءالىمجانوۆ كوشەسىنە، باتىس تۇرعىن اۋدانىنىڭ ارايلى، بەرىكتاس، قىزىلقايىڭ، عالىمدار كوشەسىنە جانە شىعىس شاعىن اۋدانى مەن بالاۋسا تۇرعىن ءۇي الابىنا ورناتىلادى دەپ جوسپارلانعان.

اۆتور

ايبەك قۇتتىبەك

سوڭعى جاڭالىقتار