تالدىقورعاندا ەكى ادامدى ايۋاندىقپەن ءولتىردى دەگەن كۇدىكپەن ەر ادام ۇستالدى

جاڭا جىلدىڭ العاشقى كۇندەرى تالدىقورعانداعى جەر ۇيلەردىڭ بىرىنەن ايۋاندىقپەن ولتىرىلگەن ەكى ادامنىڭ مۇردەسى تابىلعان بولاتىن. بۇگىن پوليتسيا وسى قىلمىسقا كۇدىكتىنى ۇستادى، دەپ حابارلايدى Kazinform.

بۇعان دەيىن تالدىقورعانداعى جەر ۇيدەن 72 جاستاعى زەينەتكەر مەن ونىڭ 52 جاستاعى ۇلىنىڭ مۇردەسى تابىلعانىن جازعان بولاتىنبىز.

قىلمىستى تەرگەۋ بارىسىندا جەرگىلىكتى پوليتسيا ەكى ادامدى ءولتىرۋى مۇمكىن دەگەن كۇدىكپەن 1980 -جىلعى بالان يگور فيلارەتوۆيچ ەسىمدى ازاماتقا ىزدەۋ جاريالاعان.

فوتو: جەتىسۋ وبلىستىق پوليتسيا دەپارتامەنتى

 كۇدىكتى تالدىقورعان قالاسىنداعى كوپقاباتتى تۇرعىن ۇيلەردىڭ جەرتولەسىندە تىعىلىپ جاتقان جەرىنەن ۇستالدى.

اۆتور
قالماحانبەت مۇقامەتقالي