تالدىقورعاندا جوعالعان 14 جاستاعى قىزدى اتا-اناسى ءولتىرىپ كومىپ تاستاعان

жоғалған қыз
Фото: Pixabay

تالدىقورعاندىق كارينا داروحينانىڭ جوعالعانىنا ءۇش ايعا جۋىقتاعان. وسى ۋاقىت ارالىعىندا وقۋشى قىزدى ىزدەۋگە ەرىكتىلەر مەن پوليتسيا جۇمىلدىرىلدى، دەپ حابارلايدى Kazinform.

بۇعان دەيىن جوعالعان قىزدىڭ اناسى مەن وگەي اكەسىنىڭ كۇدىككە ىلىنگەنى تۋرالى جازىلعان بولاتىن.

بۇگىن وبلىس پوليتسەيلەرى جاس ءوسپىرىمنىڭ مۇردەسىن تاپتى. كارينانىڭ اناسى مەن وگەي اكەسى قىلمىس جاساعاندارىن مويىنداپ، قىزدىڭ دەنەسىن كومگەن ورىندى كورسەتكەن.

- ەكى اي بۇرىن جوعالعان وقۋشى قىزدىڭ مۇردەسى تالدىقورعان قالاسىنان 40 شاقىرىم قاشىقتىقتاعى تەكەلى تاۋىنان تابىلدى. ونى وتباسىلىق جانجالدان كەيىن اناسى مەن وگەي اكەسى ءولتىرىپ، جانسىز دەنەنى اۆتوكولىككە سالىپ اكەتكەن. وسى ۋاقىت ارالىعىندا ايساباكيەۆتەر وتىرىك مالىمەت بەرىپ، ىزدەۋ جۇمىسىنا جانە تەرگەۋ بارىسىنا دا كەدەرگى كەلتىردى. قازىر ولار ۋاقىتشا ۇستاۋ ورنىنا قامالدى، - دەپ حابارلادى وبلىستىق پوليتسيادان.

سوڭعى جاڭالىقتار