تالدىقورعاندا بىرنەشە اي مەكتەپكە بارماعان 14 جاسار قىز ىزدەستىرىلىپ جاتىر
جەتىسۋ وبلىسىندا 14 جاسار قىزعا ىزدەۋ جاريالاندى، دەپ حابارلايدى Kazinform قالالىق پوليتسياعا سىلتەمە جاساپ.
28- جەلتوقساندا تالدىقورعان قالاسىنىڭ پوليتسيا بولىمىنە ءبىر مەكتەپتىڭ باسشىلىعىنان بىرنەشە اي بويى ساباققا قاتىسپاعان 14 جاسار وقۋشىنىڭ جوعالىپ كەتكەنى تۋرالى اقپارات كەلىپ ءتۇستى.
كامەلەتكە تولماعان وقۋشىنى ىزدەۋمەن تالدىقورعان قالالىق پوليتسيانىڭ قىزمەتكەرلەرى اينالىسىپ جاتىر.
«ونىڭ جوعالۋىنىڭ بۇكىل ءمان-جايى انىقتالىپ جاتىر. ىزدەستىرۋ شارالارىنا وبلىستىق دەپارتامەنتتىڭ ىزدەستىرۋ ءبولىمىنىڭ جەدەل ۋاكىلدەرى مەن جاقىن ورنالاسقان اۋدانداردىڭ پوليتسەيلەرى دە تارتىلعان» دەپ مالىمدەدى تالدىقورعان قالالىق پوليتسياسىنان.
جوعالعان قىزدىڭ اتا-اناسى، تۋىستارى مەن جاقىندارىنان جاۋاپ الىنىپ جاتىر.
بەينەباقىلاۋ كامەرالارى قارالىپ، تاكسي ايالدامالارى تەكسەرىلىپ جاتىر، سونداي-اق جوعالعان قىزدى تەز ارادا تابۋعا باعىتتالعان باسقا دا ءىس-شارالار جالعاسىپ جاتىر.
