تالدىقورعاندا اناسىن بىرنەشە رەت ۇرعان ادامعا سوت ۇكىمى شىقتى
تالدىقورعان. KAZINFORM - تالدىقورعان قالالىق سوتى ءوز شەشەسىن ساباعان ازاماتقا ۇكىم شىعاردى. بۇل تۋرالى جەتىسۋ وبلىسىنىڭ پروكۋراتۋراسى مالىمدەدى.
پروكۋراتۋرا دەرەگىنە سۇيەنسەك، سوت ۇكىمىمەن 33 جاستاعى قالا تۇرعىنى ءوز اناسىنا دەنە جاراقاتىن كەلتىرۋ فاكتىسى بويىنشا 10 كۇنگە قاماۋعا الىندى. ونىڭ ءىس-ارەكەتى ق ر ق ك- نىڭ (ۇرىپ-سوعۋ) 109-1-بابىنىڭ 1-بولىگى بويىنشا سارالاندى.
قىلمىستىق كودەكسكە ەنگىزىلگەن تۇزەتۋلەر مەن تولىقتىرۋلارعا سايكەس بۇل باپ اكىمشىلىك قۇقىق بۇزۋشىلىقتار ساناتىنان قىلمىستىق قۇقىق بۇزۋشىلىقتار ساناتىنا اۋىستىرىلىپ، جازانى قاتايتۋعا مۇمكىندىك بەردى.
- جابىرلەنۋشى سوتتا وتباسىلىق جانجال كەزىندە ۇلىنىڭ ونى بىرنەشە رەت ۇرعانىن ايتتى، - دەلىنگەن جەتىسۋ وبلىسىنىڭ پروكۋراتۋراسى تاراتقان مالىمەتتە.
ستاتيستيكاعا سايكەس، 2024-جىلى ق ر ق ك- نىڭ 109-1-بابىنا سايكەس 161 ادام، ال 2025-جىلدىڭ وتكەن مەرزىمىندە 31 ادام جاۋاپقا تارتىلعان. وبلىس پروكۋراتۋراسى ازاماتتاردى وسىنداي جاعدايعا تاپ بولسا، نەمقۇرايلى قاراماي، پوليتسياعا مىندەتتى تۇردە حابارلاۋعا شاقىرادى.
ەسكە سالايىق، وسىعان دەيىن تالدىقورعاندا كاسىپكەردى ءولتىرىپ، كولىگىمەن بىرگە ورتەپ جىبەرگەن ادامعا سوت ۇكىمى شىققانىن جازعانبىز.
