تالدىقورعان - وسكەمەن تاس جولىندا «جەدەل جاردەم» كولىگى اپاتقا ۇشىرادى

الماتى - وسكەمەن اۆتوجولىنىڭ جەتىسۋ وبلىسى اۋماعىنداعى بولىگىندە جول اپاتى بولىپ، ءۇش بىردەي كولىك سوقتىعىستى، دەپ حابارلايدى Kazinform.

كولىكتىڭ ءبىرى اقسۋ اۋدانىنداعى اۋرۋحاناعا تيەسىلى بولعان. اپاتتان ەكى مەديتسينا قىزمەتكەرى زارداپ شەكتى.

«وقيعا «الماتى- وسكەمەن» اۆتوجولىنىڭ 337 شاقىرىمىندا ورىن الدى، وندا «مازدا-626» جەڭىل اۆتوكولىگى، «كاماز» جۇك كولىگى جانە «JAC» جەدەل جاردەم كولىگى سوقتىعىستى. جول اپاتىنان ەكى دارىگەر زارداپ شەكتى. ولار ءارتۇرلى جاراقات الىپ، اۋرۋحاناعا جاتقىزىلدى. دارىگەرلەردىڭ ءبىرى كەيىن امبۋلاتوريالىق ەمدەلۋگە جىبەرىلدى»، دەپ حابارلادى وبلىستىق پوليتسيا دەپارتامەنتىنەن.

قازىر اپاتقا ۇشىراعان اۆتوكولىكتەر ارنايى اۆتوتۇراققا ورنالاستىرىلىپ، قاجەتتى ساراپتاما تاعايىندالدى.