تالدىقورعان قالاسى اكىمىنىڭ قىزمەتتىك كولىگى جالعان نومىرمەن ۇستالدى

мвд
Фото: пресс-служба Правительства РК

قاڭتاردىڭ ءۇشى كۇنى پاترۋل پوليتسياسى قالا كوشەسىندە جالعان مەملەكەتتىك ءنومىر تاعىپ جۇرگەن اۆتوكولىكتى توقتاتقان.

تەكسەرۋ بارىسىندا كولىكتىڭ قالا اكىمىنە تيەسىلى ەكەنى انىقتالدى، دەپ حابارلايدى Kazinform.

جەرگىلىكتى پوليتسيانىڭ مالىمەتىنشە، قازىر قالا اكىمىنىڭ قىزمەتتىك كولىگى ايىپ تۇراعىنا قويىلعان. ال كولىككە جالعان مەملەكەتتىك تىركەۋ ءنومىرىن تاعىپ جۇرگەن كولىك جۇرگىزۋشىسى 5 تاۋلىككە قاماۋعا الىنعان.

كۋاگەرلەردىڭ ايتۋىنشا، كولىك تىزگىنىندەگى ازامات ءتارتىپ ساقشىلارىنىڭ تالابىنا كونبەي، قارسىلىق كورسەتكەن. قالا اكىمىنىڭ اتىن اتاپ، قىزمەتتىك لاۋازىمىمەن قورقىتقان جۇرگىزۋشىگە قاتىستى كۇش قولدانۋعا تۋرا كەلىپتى.

قالا اكىمدىگى وقيعاعا بايلانىستى تۇسىنىك بەرمەدى.

ەسكە سالا كەتەيىك، قىزمەتتىك كولىكتىڭ يەسى - ەرنات ءبازىل بىلتىرعى 30-ماۋسىمدا جەتىسۋ وبلىسى اكىمىنىڭ وكىمىمەن تالدىقورعان قالاسىنىڭ اكىمى بولىپ تاعايىندالعان بولاتىن.

سوڭعى جاڭالىقتار