تالعات جايلاۋوۆ «نوماد» كومانداسىنىڭ باس باپكەرى بولدى

استانا. KAZINFORM - بەلگىلى حوككەيشى تالعات جايلاۋوۆ استانالىق «نوماد» كومانداسىنىڭ باس باپكەرى قىزمەتىنە تاعايىندالدى.

كەيىنگى جىلدارى باپكەرلىككە بەت بۇرعان ول قازىرگە دەيىن كلۋب جۇيەسىندە ءتۇرلى قىزمەت اتقاردى. وتكەن الەم چەمپيوناتىندا تالعات قازاقستان ۇلتتىق قۇراماسىنىڭ باپكەرلەر شتابىنا كىردى.

وعان كونستانتين پۋشكارەۆ، قاقپاشىلار باپكەرى الەكساندر كۋدرياۆتسيەۆ، جالپى دەنە شىنىقتىرۋ بويىنشا جاتتىقتىرۋشى سەرگەي ليەۆدانسكي كومەكتەسەدى.

«نوماد» 12-شىلدەدە مەديتسينالىق تەكسەرۋدەن وتكەننەن كەيىن وقۋ-جاتتىعۋ جيىنىن باستايدى.

تالعات جايلاۋوۆ 1985-جىلى وسكەمەن قالاسىندا دۇنيەگە كەلگەن. ءوز مانسابىندا «قازتسينك- تورپەدو»، «بارىس»، «نوماد»، «سارىارقا» كلۋبتارىندا وينادى.

ۇلتتىق قۇراما ساپىندا ۇزاق جىلدار بويى ەلىمىزدىڭ نامىسىن قورعادى.

ەسكە سالساق، ەلوردالىق «بارىس» كومانداسىنىڭ جاڭا ماۋسىم الدىنداعى دايىندىق جوسپارى بەلگىلى بولدى.