تالعاردا جەدەل جاردەم قىزمەتكەرلەرى جۇرەگى توقتاپ قالعان زەينەتكەردىڭ ءومىرىن ساقتاپ قالدى

قونايەۆ. KAZINFORM - الماتى وبلىسى تالعار اۋدانىنىڭ جەدەل جاردەم دارىگەرلەرى جۇرەگى توقتاپ قالعان ناۋقاستى اجالدان اراشالاپ قالدى.

تالعار اۋدانىنداعى 17/20 بريگاداسى شاقىرتۋعا شىقتى. ناۋقاستىڭ ۇيىنە 10 مينۋتتا جەتكەن جەدەل جاردەم قىزمەتكەرلەرى ەس-ءتۇسسىز جاتقان زەينەتكەرگە بىردەن مەديتسينالىق كومەك كورسەتتى.

«78 جاستاعى اجەي ەسىنەن تانىپ قۇلاعان. مەن كەلسەم ناۋقاستىڭ ۇلى اناسىنىڭ وكپەسىن باسىپ، جۇرەك ماسساجىن جاساپ جاتىر ەكەن. تامىردىڭ سوعۋىن ۇيقى ارتەرياسىنان ۇستاپ قاراسام سوقپاي تۇر. دەرەۋ حاتتاما بويىنشا العاشقى كومەك كورسەتۋگە كىرىستىم» - دەيدى 17/20 بريگاداسىنىڭ فەلدشەرى جانار كەنجەبەكوۆا.

مەديتسينالىق شارالاردان كەيىن اعزانىڭ ومىرلىك فۋنكتسيالارى قايتا قالپىنا كەلگەن. كوپ ۇزاماي جاسى 80 گە تاياپ قالعان اجەي كوزىن اشىپ، ءوزى دەمالا باستادى.

قوسىمشا تاعى 17/6 بريگاداسى شاقىرتىلىپ، ناۋقاس تالعار ورتالىق اۋداندىق اۋرۋحاناسىنا جەتكىزىلدى.

اۆتور
الما مۇقانوۆا