تالعارعا جاڭا اكىم سايلاندى

الماتى. KAZINFORM - تالعارعا جاڭا اكىم سايلاندى. داۋىس بەرۋ ناتيجەسىندە بۇل قىزمەتتى ارىستانبەك ءابىلقايىر ۇلى اتقاراتىن بولدى.

تالعار اۋداندىق اۋماقتىق سايلاۋ كوميسسياسىنىڭ مالىمەتىنشە، ارىستانبەك ءابىلقايىر ۇلىنا 9071 سايلاۋشى داۋىس بەرگەن.

- سايلاۋشىلار تىزىمىنە بارلىعى 42774 ادام ەنگىزىلدى، ونىڭ 12875 ءى داۋىس بەردى. قالا اكىمى لاۋازىمىنا ۇمىتكەر جانىبەك كادەنوۆ 1875, الىبەك رامازانوۆ 1140 داۋىس جينادى. 182 سايلاۋشى بارلىعىنا قارسى داۋىس بەردى سايلاۋ قورىتىندىلارىمەن تالعار قالاسىنىڭ اكىمى بولىپ:

ابيلحاير ۇلى ارىستانبەك سايلاندى، - دەلىنگەن حابارلامادا.

ەسكە سالايىق، تىزىمدە ءۇش كانديدات بولدى.

«تالعار تۇرعىن ءۇي» ج ش س- ءنىڭ باسشىسى, 1983 -جىلى تۋعان ارىستانبەك ابيحاير ۇلى «Amanat» پارتياسى اتىنان ۇسىنىلدى.

ەكىنشى كانديدات - جانىبەك كادەنوۆ. 1991 -جىلى تۋعان. ول «تالعار اۋدانى اكىمىنىڭ اپپاراتى» م م- ءنىڭ قارجى- شارۋاشىلىق بولىمىندە باس مامان بولىپ جۇمىس ىستەيدى. ونى قازاقستان حالىقتىق پارتياسى ۇسىندى.

سوڭعى ۇمىتكەر - الىبەك رامازانوۆ. ول ءوزىن- ءوزى ۇسىنعان. ول بەساعاش اۋىلدىق وكرۋگىنىڭ اپپاراتى مەملەكەتتىك مەكەمەسىندە اكىمنىڭ ورىنباسارى بولىپ قىزمەت ەتەدى.

ەسكە سالايىق، تالعاردا 2024 -جىلدىڭ 15 - جەلتوقسانىندا قالا اكىمىنىڭ سايلاۋى ءوتتى.

وسىعان دەيىن تالعار قالاسىنىڭ اكىمى باحىت قۋاتبەك ۇلى كۇرىشبەكوۆ، تالعار قالاسى اكىمىنىڭ ورىنباسارى ماتان ساعىندىق ءوز مىندەتتەرىن ءتيىستى دەڭگەيدە اتقارماعانى ءۇشىن لاۋازىمدارىنان بوساتىلعانى تۋرالى جازعان ەدىك.