تاشكەنتتە جالعان دوللار ساتقاندار ۇستالدى

  تاشكەنت. KAZINFORM - وزبەكستاندا جالعان دوللار ساتقاندار ۇستالدى. بۇل وپەراتسيانى اتالعان ەلدىڭ باس پروكۋراتۋراسى جانىنداعى دەپارتامەنتتىڭ يانگيحاەت اۋداندىق ءبولىمى جانە ءى ءى ب بىرلەسىپ وتكىزگەن، دەپ حابارلايدى Kazinform وزبەكستاننىڭ ۇيىمعا سىلتەمە جاساپ.

وپەراتسيا كەزىندە م. ا. , ي. ا. ەسىمدى ازاماتتار جانە ب. ز. ەسىمدى ادامعا 100 دوللارلىق كۋپيۋراداعى 9000 جالعان ا ق ش دوللارىن 5000 ا ق ش دوللارىنا ساتقان كەزدە ۇستالعان. ولاردان ايعاق رەتىندە جالعان كۋپيۋرالار الىندى.

وسى جاعدايعا بايلانىستى وزبەكستان رەسپۋبليكاسى قىلمىستىق كودەكسىنىڭ 176-بابى (جالعان اقشانى، اكتسيزدىك ماركالاردى نەمەسە باعالى قاعازداردى جاساۋ جانە وتكىزۋ) بويىنشا قىلمىستىق ءىس قوزعالدى. قازىرگى ۋاقىتتا تەرگەۋ امالدارى جۇرگىزىلۋدە.

ەسكە سالساق، قازاقستان مەن وزبەكستان شەكاراسىنان جەكە كۋالىكپەن ءوتۋ ءتارتىبى ەنگىزىلمەك.