تاشكەنتتە الاش ارىستارىنا ارنالعان حالىقارالىق كورمە اشىلدى - شەتەلدەگى قازاق باسپا ءسوزى
Kazinform حالىقارالىق اقپارات اگەنتتىگى شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
قىتاي بوكس كورولى توقتاربەك تاڭاتقان ۇلى التايداعى اۋىلىنا ورالدى — Ukilialtay
قىتاي بوكس پاتشاسى توقتاربەك تاڭاتقان ۇلى اۋىلىنا ورالدى. Ukilialtay سايتىندا تۋرا وسىنداي تاقىرىپتا اقپارات جارىق كوردى.
حاڭجۋ قالاسىندا وتكەن ازيا ويىندارىندا توپ جارىپ 80 كەلىدە التىن مەدال قانجىعالاعان ازيا چەمپيونى، قىتاي بوكس پاتشاسى توقتاربەك تاڭاتقان ۇلى 10-قازان كۇنى التايعا ورالدى.
ەرتەسى 11-قازان كۇنى توقتاربەك تاڭاتقان ۇلى تۋعان اۋىلى — التاي قالاسى الاقاق قالاشىعىنا باردى. داڭقتى بوكسشىعا اۋىلداستارى شاپان جاۋىپ، ارت- ارتىنان ات مىنگىزىپ، ەرەكشە قوشەمەتپەن قارسى الدى، دەپ جازادى Ukilialtay.
قىتايلىق ب ا ق- تا توقتاربەكتىڭ اتا- اناسى اۋەجايعا كەلىپ، بالاسىن كۇتىپ تۇرعان ۆيدەوسى جاريالانعان.
سونىمەن قاتار باسىلىمداعى اقپاراتتا توقتاربەك تۋرالى «قىتايدىڭ، شىڭجاڭنىڭ، التايدىڭ ماقتانىشى» دەپ جازىلعان.
سونداي- اق، جازبا سوڭىنان «ازيا چەمپيونى توقتاربەك تاڭاتقان ۇلى اۋىلداستارىمەن بىرگە قارا جورعا بيىنە باستى» دەگەن تاقىرىپتاعى بوكسشىنىڭ بيلەپ جۇرگەن ۆيدەوسىن دا كورۋگە بولادى.
ايتا كەتەيىك، قىتايلىق قانداسىمىز حاڭجۋداعى ازيا ويىندارىندا بوكستان 80 كەلى سالماق دارەجەسىندەگى فينالدا فيليپپيندىك ەۋمير فەليكس مارسيالمەن جۇدىرىقتاسقان.
ءبىرىنشى راۋندتا فيليپپيندىك بوكسشى توقتاربەكتى نوكداۋنعا جىبەرىپ، بەس تورەشى سوعان داۋىس بەردى.
ەكىنشى كەزەڭدە توقتاربەك قارسىلاسىن نوكداۋنعا ءتۇسىرىپ، تارازى باسىن تەڭەستىرگەن. سوڭىندا قورىتىندى 5:0 ەسەبىمەن توقتاربەكتىڭ پايداسىنا شەشىلىپ، ءوز سالماعى بويىنشا «التىن» مەدالدى جەڭىپ العان بولاتىن.
ەسكە سالا كەتەيىك، جىل سايىنعى قىتايدىڭ «بوكس كورولى» چەمپيوناتىنىڭ 2017 -جىلعى دوداسى حاڭجوۋ قالاسىندا وتكەن ەدى.
سول جولى 75 كەلىگە دەيىنگى سالماقتاعى كەزدەسۋلەردە بوكس شەبەرى توقتاربەك تاڭاتقان ۇلى وسى دودانىڭ چەمپيونى ۋىن ينحاڭدى ۇتىپ، «كورول» چەمپيوندىق بەلدىگىن جەڭىپ العان بولاتىن.
بيىل قورعاستان ەۋروپاعا (ورتالىق ازياعا) بەت العان پويىزدىڭ سانى 6 مىڭنان استى — حالىق گازەتى
12-قازان ساعات 17:10 دا كيىم، ويىنشىق، مەحانيكالىق جانە ەلەكتروتەحنيكالىق بۇيىمدار، اۆتوموبيل بولشەكتەرى جانە باسقا دا تاۋارلارمەن تولىعىمەن جۇكتەلگەن 55 ۆاگوننان تۇراتىن 2031- قىتاي- ەۋروپا پويىزى قورعاس تەمىرجول پورتىنان شىعىپ، پولشانىڭ مالاشيەۆيچىنا بەت الدى. مالىمەتتەرگە سايكەس، بيىل «قورعاس» تەمىرجول پورتى ارقىلى وتكەن قىتاي- ەۋروپا (ورتالىق ازيا) پويىزىنىڭ سانى 6000 نان اسقان، دەپ حابارلايدى قىتايدىڭ «حالىق گازەتى».
قىتايلىق ب ا ق- تىڭ دەرەگىنشە، بيىلعى جىلدان باستاپ قورعاس تەمىرجول پورتىنداعى قىتاي- ەۋروپا (ورتالىق ازيا) ارقىلى وتەتىن پويىزداردىڭ سانى وسە بەردى جانە كۇن سايىن وتەتىن پويىزداردىڭ سانى 21 دەن اسقان.
قىتايلىق تاۋارلار قورعاس پورتى ارقىلى ورتالىق ازيا مەن ەۋروپاعا جول تارتۋدا. سونداي- اق، قازىرگى ۋاقىتتا قىتايلىق اۆتوموبيلدەردىڭ ءبىرقاتار ماركالارى قورعاس تەمىرجول پورتى ارقىلى رەسەي، قازاقستان، وزبەكستان سىندى ەلدەرگە ەكسپورتتالادى ەكەن.
تاشكەنتتە «الاشتىڭ اسىل ارىستارى» اتتى حالىقارالىق كورمە اشىلدى — ءوزا
2023 -جىل 4-قازان كۇنى تاشكەنت قالاسىنداعى قۋعىن- سۇرگىن قۇرباندارىن ەسكە الۋ مەملەكەتتىك مۋزەيىندە «الاشتىڭ اسىل ارىستارى» اتتى حالىقارالىق كورمە اشىلدى، دەپ حابارلايدى ءو ز ا اقپارات اگەنتتىگى.
اتالعان باسىلىمنىڭ كەلتىرگەن مالىمەتىنە سۇيەنسەك، اتاۋلى كورمەنى قازاقستاننىڭ مەملەكەتتىك ورتالىق مۋزەيى جانە وزبەكستان رەسپۋبليكاسى مينيسترلەر كابينەتى جانىنداعى قۋعىن- سۇرگىن قۇرباندارىن ەسكە الۋ مەملەكەتتىك مۋزەيى بىرلەسىپ جاساعان.
حالىقارالىق كورمە اعارتۋشى- عالىم، دارىگەر، قازاقستانداعى دەنساۋلىق ساقتاۋ جۇيەسىن، جوعارى ءبىلىم بەرۋدى جانە باسپا ءىسىن العاش ۇيىمداستىرۋشىلاردىڭ ءبىرى حالەل دوسمۇحامەدوۆتىڭ 140جىلدىعى مەن اقىن، دراماتۋرگ، اۋدارماشى، پەداگوگ ماعجان جۇمابايەۆتىڭ 130 جىلدىعىنا ورايلاستىرىلعان.
كورمەگە قازاقتىڭ ءبىرتۋار ازاماتتارى حالەل دوسمۇحامەدوۆ پەن ماعجان جۇمابايەۆتىڭ ءومىر جولىنان سىر شەرتەر ارحيۆتىك قۇجاتتارمەن قاتار ۇلى تۇلعالاردىڭ ۇستاپ- تۇتىنعان جەكە زاتتارى، كىتاپتارى قويىلعان. سونىمەن قاتار، الاشوردا قايراتكەرلەرى احمەت بايتۇرسىن ۇلى، ءاليحان بوكەيحانوۆ، ءمىرجاقىپ دۋلات ۇلى، مۇحامەدجان تىنىشپايەۆ، مۇستافا شوقاي، ساكەن سەيفۋلليننىڭ جەكە كەشەندەرى نەگىزىندە مۋزەيلىك زاتتار مەن قاتار اقپاراتتىق ستەندىلەر كورمەگە كەلۋشىلەرگە ۇسىنىلعان.
«حالىقارالىق كورمەنى 2023 -جىلدىڭ 4-11-قازان كۇندەرى ارالىعىندا تاشكەنت قالاسىنداعى قۋعىن- سۇرگىن قۇرباندارىن ەسكە الۋ مەملەكەتتىك مۋزەيىنە بارىپ تاماشالاۋعا بولادى» دەپ جازعان ءوزا.
«قىتاي- قازاقستان دوستىق تاريحى مۇراجايى» اتتى ماڭدايشا ورناتىلدى — CNR
قىتايدىڭ قازاقستانمەن شەكارالاس تارباعاتاي ايماعىنداعى ورتالىق قالادا «قازاقستان- قىتاي دوستىق تاريحى مۇراجايى» دەگەن ماڭدايشالىق ورناتىلعان.
— جاقىندا قىتاي مەن قازاقستاننىڭ شەكارا قورعانىس ورگاندارى تارباعاتاي ايماعىنىڭ شاۋەشەك قالاسىندا قازاقستان- قىتاي دوستىق تاريحى مۇراجايى ماڭدايشالىعىنىڭ اشىلۋ ءراسىمىن وتكىزدى، — دەپ حابارلايدى قىتايدىڭ ورتالىق حالىق راديوسى اقپارات پورتالى.
قىتايلىق دەرەككوزدىڭ مالىمەتىنشە، اشىلۋ راسىمىنەن كەيىن ەكى جاقتىڭ ۋاكىلدەرى قازاقستان- قىتاي دوستىق تاريحى مۇراجايىن ەكسكۋرسيالاعان. سونىمەن قاتار، شەكارانى باسقارۋدى كۇشەيتۋ جونىندە كەڭەس وتكىزگەن.
«ەكى جاقتىڭ شەكارا قورعانىس بولىمشەلەرى ءار اپتادا داعدىلى تۇردە كەزدەسۋگە، ءار ايدا بىرلەسىپ ساقتانۋ، باسقارۋ جۇمىستارىن ۇيىمداستىرۋعا، ءار جارتى جىلدا تىكەلەي كەڭەس وتكىزۋگە تاباندى بولىپ، بىرلەسىپ باسقارۋ، بىرلەسىپ تىزگىندەۋ جاعىندا ءبىر- بىرىنە ءوزارا قولداۋ كورسەتەدى» دەپ تۇيىندەيدى قىتايلىق باسىلىم.
«تۇران» توبىنىڭ تۇركياعا گاسترولى باستالدى - TRT
قازاقستاننىڭ ايگىلى «تۇران» ەتنو- فولكلورلىق مۋزىكالىق توبى مەن ت ر مادەنيەت جانە تۋريزم مينيسترلىگى جانىنداعى انكارا تۇرىك الەمى مۋزىكالىق ءانسامبلى تۇركيا رەسپۋبليكاسىنىڭ 100 جىلدىعى مەن تۇرىكسوي ۇيىمىنىڭ 30 جىلدىعىنا ارنالعان كونسەرت ۇيىمداستىردى.
بۇل تۋرالى تۇركيا راديو تەليەۆيزيا پورتالى حابارلادى.
4-قازاندا انكارادا پرەزيدەنتتىك سيمفونيالىق وركەستردىڭ تاريحي زالىندا وتكەن كونسەرتكە قازاقستاننىڭ بۇرىنعى مادەنيەت ءمينيسترى، «قازاقكونسەرت» ديرەكتورى اقتوتى رايىمقۇلوۆا، ۆەنگريانىڭ تۇركياداعى ەلشىسى ۆيكتور ماتيس، مولدوۆانىڭ تۇركياداعى ەلشىسى دميتري كرويتور قاتىسقان.
كونسەرت قارساڭىندا سويلەگەن سوزىندە اقتوتى رايىمقۇلوۆا قازاقستان حالقىنىڭ تۇركياعا جانە باۋىرلاس تۇرىك حالقىنا ۇلكەن سۇيىسپەنشىلىكپەن قارايتىنىن ايتىپ، ەكى ەل اراسىندا بىرلىك پەن تاتۋلىق بولۋىن تىلەدى.
كونسەرتتە ونەرپازدار انكارانىڭ ونەر سۇيەر قاۋىمىنا ۇزاق جىلدار بويى ۇمىتىلمايتىن كەش سىيلادى. قازاقتىڭ «گۇلدەر» بي توبىنىڭ مۇشەلەرى دە ءوز بيلەرىمەن ولارعا سەرىك بولدى.
تۇركيالىق ب ا ق- تىڭ دەرەگىنشە، كونتسەرت سوڭىندا كورەرمەن ونەرپازدارعا زور قوشەمەت كورسەتىپ، ىستىق ىقىلاس بىلدىرگەن.
ايتا كەتەيىك، «تۇران» توبى تۇركيانىڭ كوپتەگەن قالاسىندا كونسەرت بەرەدى.
وزبەكستان ەكونوميكالىق ءوسىم بويىنشا قازاقستان، قىرعىزستان مەن تۇركىمەنستاننان الدا — ءو ز ا
حالىقارالىق ۆاليۋتا قورى (ح ۆ ق) الەمدىك ەكونوميكانىڭ دامۋ بولاشاعى تۋرالى كەزەكتى ەسەبىن جاريالاعان… ەكونوميكالىق ءوسۋ قارقىنى بويىنشا وزبەكستان قازاقستان، قىرعىزستان جانە تۇركىمەنستاننان الدا، تاجىكستاننان ءسال عانا تومەن، دەپ جازادى ءوزا اقپارات اگەنتتىگى .
باسىلمىنىڭ مالىمەتىنشە، جالپى تاياۋ شىعىس پەن ورتالىق ازيا ءوڭىرى ءۇشىن جىل سوڭىندا ءجىو ءوسىمى نەبارى 2 پايىزدى قۇرايدى، بۇل وتكەن جىلعى كورسەتكىشتىڭ جارتىسى. 2024 -جىلى ول ازداپ — 3,4 پايىزعا دەيىن جەدەلدەيدى دەپ كۇتىلۋدە.
ح ۆ ق وزبەكستانداعى ينفلياتسيا بولجامىن دا جاقسارتتى. وسىلايشا، بۇرىن كۇتىلگەن 11,8 پايىزدىڭ ورنىنا بيىل ينفلياتسيا 10,2 پايىزدى قۇراسا، كەلەسى جىلى 10 پايىزعا دەيىن تومەندەيدى، دەپ بولجاعان.
قازاقستان قىتايعا مۇناي ەكسپورتىن ارتتىرادى — Parstoday
قازاقستان تەحنيكالىق ينفراقۇرىلىمدى دامىتىپ، اياقتاۋ ارقىلى قىتايعا مۇناي ەكسپورتىن ارتتىرۋدى جوسپارلاپ وتىر.
بۇل تۋرالى وسى اپتادا يراننىڭ Parstoday اقپارات اگەنتتىگىندە حابارلاندى.
Parstoday ءدىڭ بۇل اقپاراتى قازاقستاننىڭ ەنەرگەتيكا ءمينيسترى الماسادام ساتقاليەۆتىڭ پىكىرىنە نەگىزدەلگەن.
الماسادام ساتقالييەۆتىڭ ايتۋىنشا، قازاقستان مۇنايىنىڭ قىتايعا ترانزيتىن ۇلعايتۋ ءۇشىن كەيبىر تەحنيكالىق شارالاردى جۇزەگە اسىرۋ، سونىڭ ىشىندە كەڭقياق- اتىراۋ جانە كەڭقياق- قۇمقال مۇناي قۇبىرلارىن دامىتۋ قاجەت. بۇل جوبالاردى «قازترانس ويل» كومپانياسى ازىرلەپ، جوسپارلاپ وتىر.
مۇناي قۇبىرلارىن يگەرۋ جۇمىستارى الداعى ەكى- ءۇش جىلدا تەحنيكالىق جاعىنان اياقتالۋى ءتيىس. قازىرگى ۋاقىتتا قىتايلىق سەرىكتەستەر — قىتاي ۇلتتىق مۇناي كورپوراتسياسىمەن (CNPC) كەلىسسوز بەلسەندى ءجۇرىپ جاتىر.
تەحنيكالىق شارالار اياقتالعاننان كەيىن قىتايعا مۇناي جەتكىزۋ كولەمىن ارتتىرۋعا بولادى.
«قازىر قىتاي مەن قازاقستان اراسىندا يندۋستريالاندىرۋ جانە ينۆەستيتسيا سالاسىندا جالپى قۇنى 21 ميلليارد دوللاردان اساتىن 52 بىرلەسكەن جوبا جۇزەگە اسىپ جاتىر» دەپ تۇيىندەگەن يراندىق ب ا ق.
اۆتور
بەيسەن سۇلتان
