تاعامدىق «ەسىرتكىلەر»: قانداي ازىق-تۇلىك تاۋەلدىلىك تۋدىرادى؟
ەگەر كوكونىستەر، جەمىستەر جانە باسقا دا پايدالى تاعامدار تاۋەلدىلىك تۋدىرسا، بارلىق ادام قۋانار ەدى.

ءبىراق تاعامدىق «ەسىرتكىلەر» ءبىز قالاعانداي پايدالى ەمەس. كەيدە جاقسى كورەتىن ءونىمىڭىزدىڭ ءبىر بولىگىن جەيمىن دەپ ويلاپ، قالاي بارلىعىن تاۋىسىپ قويعانىڭىزدى بايقاماي قالعان كەزدەر بولدى ما؟ مۇنداي تاۋەلدىلىك تۋدىراتىن ونىمدەرگە قانداي ازىق-تۇلىك جاتادى؟
قانت
قانتتىڭ ءوزى عانا ەمەس، قۇرامىندا قانتى كوپ ونىمدەر دە تاۋەلدىلىك تۋدىرادى. مىسالى: كامپيت، ءتاتتى سۋسىندار، اق نان، پىسىرمەلەر. ادەتتە، زياندى تاعامدارعا تاۋەلدىلىكتىڭ تۋىنداۋىنا ادامداردىڭ وزدەرى كىنالى: قاتاڭ ديەتا كەزىندە اعزاعا گليۋكوزانىڭ قاجەتتى مولشەرى جەتىسپەگەندىكتەن، ەنەرگياڭىز بولمايدى، سەبەپسىز شارشايسىز جانە اشۋلانشاق بولىپ كەتەسىز. بۇل جاعدايدى جونگە كەلتىرۋ ءۇشىن ازداپ شوكولاد نەمەسە كامپيت جەيسىز. ال شوكولادتىڭ ءبىر بولىگىنىڭ ءوزى اعزاداعى قانت دەڭگەيىن بىردەن كوتەرىپ جىبەرەدى. ءبىراق ءبىر جارىم ساعاتتان سوڭ ول باستاپقى بولعان دەڭگەيدەن دە تومەن ءتۇسىپ كەتەدى. ول اشتىق سەزىمىن وياتادى جانە قاتتى ءتاتتى جەگىڭىز كەلەدى.
شوكولاد
شوكولاد ناشار كوڭىل كۇيمەن كەرەمەت كۇرەسەدى. ءبىراق ونىڭ ءبىر بولىگىن جەسەڭىز، ءوزىڭىزدى توقتاتا المايسىز. شوكولادتى جەڭىل انتيدەپرەسسانتقا جاتقىزۋعا بولادى. ونىڭ تابلەتكالاردان ايىرماشىلىعى - ول پسيحيكاڭىزعا ەمەس، دەنە سىماتتىلىعىڭىزعا جاعىمسىز اسەر ەتەدى.
ىرىمشىك
ىرىمشىك تە تاۋەلدىلىك تۋدىرادى. ىرىمشىكتە كازەين بار. ول اسقورىتۋ كەزىندە ىدىراپ، كازومورفيندەر تۇزەدى. ىرىمشىكتە ءسۇت، بالمۇزداق، ماي جانە باسقا دا ءسۇتتى ونىمدەرگە قاراعاندا كازەين كوپ. ءبىراق ول اعزاعا ايتارلىقتاي زيان كەلتىرمەيدى. وعان قوسا، كوپشىلىك ىرىمشىك جەمەي، ۇزاققا دەيىن جۇرە الادى. باستىسى، ىرىمشىك ساتىپ الاردا ونىڭ ساپالى ءتۇرىن تاڭداڭىز.
بالمۇزداق
بالمۇزداقتىڭ قۇرامىندا قانىققان مايلار مەن قانت كوپ. ول تاۋەلدىلىك تۋدىرادى جانە دەنە سىمباتتىلىعىنا جاعىمسىز اسەر ەتەدى. بۇل دا شوكولاد سەكىلدى ۋاقىتشا كوڭىل كۇيدى كوتەرەدى، ءبىراق ونى جەگەننەن كەيىن ءبىراز ۋاقىتتان سوڭ كوبىرەك ءتاتتى جەگىڭىز كەلەدى.
چيپسى
بۇل ءونىمدى از عانا جەۋ مۇمكىن ەمەس، ونى ءبىر باستاساڭىز، تاۋىسپاي قويمايسىز. وعان قوسا، ونى تاۋىسىپ الساڭىز دا، قارنىڭىز اشىپ تۇرادى. ياعني، ءسىز قارنىڭىزدى تويدىرۋ ءۇشىن ەمەس ءلاززات الۋ ءۇشىن تاۋىساسىز. كەي دارىگەرلەردىڭ ايتۋىنشا، چيپسىعا تۇز بەن دامدەۋىشتەردەن باسقا ميداعى ءلاززات ورتالىعىن ىنتالاندىراتىن زاتتار قوسادى.
كەپكەن شۇجىق
مۇنداي تاۋەلدىلىك جانۋار مايىن كوپ تۇتىنعاننان پايدا بولۋى مۇمكىن. الايدا كەپكەن شۇجىقتى كوپ جەۋ دەنساۋلىققا زيان. سەبەبى ونىڭ قۇرامىندا كراحمال پايىزى وتە كوپ.