«تاۋعا بارماڭىزدار!»: ش ق و قۇتقارۋشىلارى ەسكەرتۋ جاسادى
وسكەمەن. KAZINFORM - شىعىس قازاقستان وبلىسىندا 14-ناۋرىزعا دەيىن قار كوشكىنى ءجۇرۋ قاۋپى جوعارى.
ش ق و توتەنشە جاعدايلار باسپا ءسوز قىزمەتىنىڭ مالىمەتىنە سۇيەنسەك، 11-14-ناۋرىز ارالىعىندا ءوڭىردىڭ تاۋلى جەرلەرىندە قار كوشكىنى ءجۇرۋ قاۋپى ساقتالادى.
- مەتەورولوگيالىق جاعدايدىڭ وزگەرۋىنە، ءجيى قار جاۋۋىنا جانە جەلدىڭ كۇشەيۋىنە بايلانىستى وبلىستىڭ تاۋلى جەرلەرىندە قار كوشكىنى ءتۇسۋى ىقتيمال. وسى رەتتە، تۇرعىندارعا بارىنشا اباي بولۋدى، ەشبىر جاعدايدا تاۋعا شىقپاۋ قاجەتتىگىن ەسكەرتەمىز. ەگەر قانداي دا ءبىر قيىندىققا تاپ بولساڭىزدار بىردەن «112» نومىرىنە قوڭىراۋ شالىڭىز، - دەپ حابارلادى ۆەدومستۆو وكىلدەرى.
سونداي- اق قۇتقارۋشىلار ءوڭىر جۇرتشىلىعىنا الىس ساپارعا شىعار الدىندا جولداردىڭ جاي- كۇيىن «دارمەن» موبيلدى قوسىمشاسى ارقىلى تەكسەرىپ وتىرۋعا كەڭەس بەردى.
ەسكە سالساق، بۇعان دەيىن شىعىس قازاقستان وبلىسىندا جاساندى جولمەن قار كوشكىنى تۇسىرىلگەنى حابارلانعان.
