تابىستى ادامدار كۇن سايىن وزدەرىنە قانداي سوزدەر ايتادى؟

 Ұлттық қордың табысынан балаларға аударылатын нысаналы жинақтар салықтан босатылмақ
Фото: qazdauiri.kz

جەتىستىككە جەتۋگە قانداي قاسيەتتەر كومەكتەسەدى؟ سەنىمدى، باتىل، قايسار، ەڭبەكقور بولۋ جانە ت. ب قاسيەتتەردى ءتىزىپ، جالعاستىرا بەرۋگە بولادى. ءبىراق الدىمەن ءسىز ءۇشىن جەتىستىك نە ەكەنىن جانە ونى قانداي كريتەري بويىنشا باعالايتىنىڭىزدى انىقتاپ الۋىڭىز كەرەك.

سونداي-اق ناقتى جەتىستىكتەرگە جەتكەن ادامداردان ۇلگى الۋعا بولادى. ولار وزدەرىنىڭ ويلاۋىن وزگەرتە الدى جانە ءوز-وزدەرىنە قولداۋ ءبىلدىرۋدى ۇيرەندى.

ومىردە ۇلكەن جەتىستىككە جەتكەن ادامدار وزدەرىنە مىناداي سوزدەردى ءجيى ايتادى، - دەپ حابارلايدى Psychologies پورتالى.

«مەنىڭ قولىمنان كەلەدى»

بۇل ءسوز ءوزىڭىزدىڭ ىشكى سەنىمدىلىگىڭىزدى ارتتىرۋعا كومەكتەسەدى. ول كەز كەلگەن تاپسىرمانى ورىندار الدىندا دۇرىس باعىت بەرەدى. ادام بۇل كەزدە قيىندىقتاردى ەلەمەي، بەيقام جۇرەدى دەگەن ءسوز ەمەس. بۇل ءوزىنىڭ قيىندىقتاردى جەڭە الاتىن قابىلەتىنە سەنۋگە كومەكتەسەدى.

«ءار كىشكەنتاي قادام ماڭىزدى»

كەيدە جەتىستىككە اپارار جول وتە ۇزىن بولۋى، ال ماقساتقا جەتۋ وڭاي بولماۋى مۇمكىن. ءبىراق تابىستى ادام كۇن سايىن كىشكەنتاي قادامنىڭ ءوزىن باعالاۋ كەرەگىن جانە ونى ارى قاراي قاجەت باعىتتا جالعاستىرا بەرۋ كەرەگىن ەسىنە سالادى. بۇل ۇزىن جولدا پروگرەستى بايقاي ءبىلۋ ماڭىزدى.

«مەنىڭ قاتەلىكتەرىم - ماعان ساباق»

تابىستى ادامدار قاتەلىكتەردى ساتسىزدىكتەر رەتىندە ەمەس، ساباق دەپ قابىلدايدى. ونىڭ ماڭىزى زور جانە ول ادامدى ورنىقتى ەتەدى. ول قاتەلىكتەردى قالاي تاجىريبەگە اينالدىرۋ كەرەگىن ۇيرەنەدى.

«راقمەت»

ريزاشىلىق ءبىلدىرۋدىڭ، العىس ايتۋدىڭ كۇشى جايلى ۇمىتپاڭىز. تابىستى ادامدار كۇندە وزدەرىنە جانە باسقالارعا قانداي دا ءبىر نارسە ءۇشىن ريزاشىلىعىن بىلدىرەدى. بۇل ادامدى باقىتتى ەتەدى جانە قيىندىقتارمەن كۇرەسۋگە كومەكتەسەدى.

«مەن مەيىرىمدىلىكتى تاڭدايمىن»

تابىستى ادامدار اقشا، جايلىلىق جانە ماتەريالدىق يگىلىكتىڭ ادامگەرشىلىك قاسيەتتەرىنىڭ قاسىندا ەش ماڭىزى جوق ەكەنىن بىلەدى. اينالاڭىزداعىلارعا جانارشىلىق ءبىلدىرۋ ماڭىزدى.

«مەن وتكەن شاقپەن ءومىر سۇرمەيمىن»

تابىستى ادامدار بۇرىنعى قاتەلىكتەرىن، ساتسىزدىكتەرىن نەمەسە كىنا سەزىمىن وزىمەن بىرگە تاسىپ جۇرمەيدى. ولار بولاشاقتان ءۇمىت ۇزبەيدى جانە كەز كەلگەن وزگەرىستەرگە بەيىمدەلە الادى. ولار قيىندىقتار - جاڭا دەڭگەيگە شىعۋعا ارنالعان ءبىر باسپالداق قانا ەكەنىن تۇسىنەدى.

«مەن بار جاقسىعا لايىقپىن»

بۇل ءسوزدى بارلىق ادام وزىنە ءجيى ايتۋ كەرەك. ءسىز بىرەۋدىڭ ماحابباتىنا، قۇرمەتىنە نەمەسە قانداي دا ءبىر جەتىستىككە لايىق بولۋ ءۇشىن كوبىرەك بىردەڭە ىستەۋىڭىز كەرەك ەمەس. ءسىزدىڭ قۇندىلىعىڭىزدى جەتىستىكتەر نەمەسە باسقالاردىڭ ويلارى انىقتامايدى. ول ءسىزدىڭ قانداي ادام ەكەنىڭىزبەن بايلانىستى.

«مەن جاعدايدى وزگەرتەمىن»

تابىستى ادامدار الەمدى جاقسى جاعىنا وزگەرتكىسى كەلەدى. ولار وزدەرىنىڭ وزگەرتە الاتىن قابىلەتىنە سەنەدى. ولار تەك ءوزىنىڭ جەكە جەتىستىگىنە عانا ءمان بەرىپ قويماي، باسقالارعا جانە الەمگە پايداسىن تيگىزگىسى كەلەدى.

«مەن وزىمە كۇتىم جاسايمىن»

تابىستى ادامدار ءوزىنىڭ دەنەسى مەن جان-دۇنيەسىنە قامقور بولادى: دەنساۋلىعىن كۇتەدى، پايدالى ونىمدەردى تاڭدايدى، فيزيكالىق بەلسەندىلىكپەن اينالىسادى جانە جەتكىلىكتى تۇردە ۇيىقتاۋعا تىرىسادى. سونداي-اق ءوزىنىڭ مەنتالدى ساۋلىعىنا ءمان بەرەدى: دەمالۋعا، بوساڭسۋعا ۋاقىت تابادى. مۇنىڭ بارلىعى ادامدى ءتيىمدى، ءونىمدى جانە شىعارماشىل ەتەدى.

«مەن ءوزىمدى قابىلدايمىن»

كەمەلدىكتى تالاپ ەتەتىن بۇل الەمدە ءوز كەمشىلىكتەرىڭىزدى دە قابىلداي ءبىلۋ ماڭىزدى. ادامدار ءجيى وزدەرىنە قاتال كەلەدى، ءوزىن ءجيى سىنايدى جانە قاتەلىكتەرىن كەشىرمەيدى. الايدا كەمەلدىك - ول يلليۋزيا. بارلىق ادامنىڭ كۇشتى جانە ءالسىز جاقتارى، جەتىستىكتەرى مەن ساتسىزدىكتەرى بار.

سوڭعى جاڭالىقتار