10:57, 19 - شىلدە 2024 | GMT +5
«تاپانشامەن باستان اتقان»: الماتىدا قارۋلى قاقتىعىسقا قاتىسقان كۇدىكتىلەر ۇستالدى
الماتى. KAZINFORM - الەۋمەتتىك جەلىدە الماتىدا بولعان قارۋلى قاقتىعىستىڭ بەينەجازباسى تارادى.
بەينەجازبادان ءبىر توپ ادام اراسىنداعى جانجال كەزىندە ەر ادامنىڭ تراۆماتيكالىق قارۋ قولدانىپ، جەردە جاتقان وزگە ازاماتتىڭ باسىنا بىرنەشە رەت وق اتقانىن كورۋگە بولادى.
الماتى قالاسى پوليتسيا دەپارتامەنتىنىڭ مالىمەتىنە سايكەس، وقيعا 13-شىلدە كۇنى قالاداعى ءدامحانالاردىڭ ءبىرىنىڭ الدىندا بولعان.
«كىسى ولتىرۋگە وقتالۋ دەرەگى بويىنشا قىلمىستىق ءىس قوزعالدى. كۇدىكتى « ءىزىن سۋىتپاي» ۇستالىپ، ۋاقىتشا ۇستاۋ يزولياتورىنا قامالدى. تراۆماتيكالىق تاپانشا تاركىلەندى. ءدامحانالاردىڭ بىرىندە ەر ادامدار اراسىندا جانجال بولعاندىعى بەلگىلى بولدى. ءىستىڭ باسقا دا ءمان- جايلارى انىقتالىپ جاتىر»، - دەپ حابارلايدى دەپارتامەنتتەن.
