ت م د ەلدەرىندە شاراپ ونەركاسىبى رەتتەلەدى
استانا. KAZINFORM - سانكت-پەتەربۋرگتە وتكەن پلەنارلىق وتىرىستا ت م د- عا مۇشە مەملەكەتتەردىڭ پارلامەنتارالىق اسسامبلەياسى «ءجۇزىم شارۋاشىلىعى جانە شاراپ جاساۋ تۋرالى» ۇلگىلىك زاڭدى ماقۇلدادى.
ت م د پ ا ا اگرارلىق ساياسات، تابيعي رەسۋرستار جانە ەكولوگيا جونىندەگى تۇراقتى كوميسسياسىنىڭ ءتوراعاسى، ق ر پارلامەنتى سەناتىنىڭ دەپۋتاتى ولگا بۋلاۆكينانىڭ ايتۋىنشا، زاڭ شاراپ ءوندىرىسى مەن اينالىمىن رەتتەۋ، سونداي-اق شاراپ ونىمدەرىنىڭ اينالىمىن رەتتەۋ ءۇشىن قاجەت.
- وسىعان بايلانىستى زاڭدا ءجۇزىم شارۋاشىلىعى مەن شاراپ شارۋاشىلىعىن دامىتۋعا باعىتتالعان قۇقىقتىق جاعدايلاردى جاساۋ جانە وڭتايلاندىرۋ قاراستىرىلعان. اتاپ ايتقاندا، ۇلتتىق شيكىزات بازاسىن قالىپتاستىرۋ، دامىتۋ جانە شاراپ زاۋىتتارىن زاماناۋي قۇرال-جابدىقتارمەن تەحنولوگيالىق قايتا جاراقتاندىرۋ جانە نورماتيۆتىك-قۇقىقتىق بازانى جەتىلدىرۋ، - دەدى ول.
دەپۋتات ۇلگىلىك زاڭنىڭ قابىلدانۋى جانە ونى تمد ەلدەرىنىڭ زاڭناماسىندا قولدانۋ شاراپ سالاسىن جاڭا دامۋ دەڭگەيىنە شىعارۋعا، سونداي-اق ەكسپورتتى ارتتىرۋعا مۇمكىندىك بەرەتىنىن اتاپ ءوتتى.
دەپۋتات ۇلگىلىك زاڭنىڭ قابىلدانۋى جانە ونى تمد ەلدەرىنىڭ زاڭناماسىندا قولدانۋ شاراپ سالاسىن جاڭا دامۋ دەڭگەيىنە شىعارۋعا، سونداي-اق ەكسپورتتى ارتتىرۋعا مۇمكىندىك بەرەتىنىن اتاپ ءوتتى.
بۇعان دەيىن الكوگولگە اسىرەسە شىعىس قازاقستان، پاۆلودار جانە الماتى وبلىستارى كوپ شىعىنداناتىنىن، سولتۇستىك قازاقستان وبلىسى اققايىڭ اۋدانىنداعى دايىندىق اۋىلىنىڭ تۇرعىندارى الكوگولدىك ىشىمدىكتەردەن مۇلدە باس تارتقانى تۋرالى حابارلانعان بولاتىن.
