ت م د ەلدەرى ازىق-تۇلىك قاۋىپسىزدىگى بويىنشا ورتاق قۇجات قابىلدادى
استانادا ت م د ەلدەرى اۋىل شارۋاشىلىعى سالاسىندا ىنتىماقتاستىقتى ارتتىرا تۇسەتىن قۇجات قابىلدادى، دەپ حابارلايدى Kazinform.
«ءبىز بەلارۋس رەسپۋبليكاسىنىڭ، قازاقستان رەسپۋبليكاسىنىڭ، قىرعىز رەسپۋبليكاسىنىڭ، رەسەي فەدەراتسياسىنىڭ، تاجىكستان رەسپۋبليكاسىنىڭ، تۇرىكمەنستاننىڭ، وزبەكستان رەسپۋبليكاسىنىڭ اۋىل شارۋاشىلىعى مينيسترلەرى مەن دەلەگاتسيالارىنىڭ باسشىلارى 2023-جىلعى 20- قازاندا استانادا ازىق-تۇلىك قاۋىپسىزدىگىن قامتاماسىز ەتۋ سالاسىنداعى ىنتىماقتاستىق ماسەلەلەرى جونىندەگى ت م د- عا قاتىسۋشى مەملەكەتتەردىڭ مينيسترلىك كونفەرەنتسياسىنا قاتىستىق»، - دەلىنگەن قۇجاتتا.
سونىمەن قاتار كونفەرەنتسياعا قاتىسۋشىلار قازاقستاننىڭ ت م د اگروونەركاسىپتىك كەشەن ماسەلەلەرى جونىندەگى ۇكىمەتارالىق كەڭەس جانىنان ازىق-تۇلىك قاۋىپسىزدىگى ماسەلەلەرىنە ارنالعان جەدەل شتاب قۇرۋ تۋرالى ۇسىنىسىن قۇپتادى.
ودان بولەك، ت م د ەلدەرىنەن كەلگەن قوناقتار «KazAgro/KazFarm-2023» كورمەسىنە قويىلعان وزىق اۋىل شارۋاشىلىعى تەحنيكالارىمەن، جەتەكشى الەمدىك اۋىل شارۋاشىلىعى كونسەرندەرىنىڭ جابدىقتارىمەن، يننوۆاتسيالىق تەحنولوگيالارمەن جانە اۋىل شارۋاشىلىعى سەكتورىن دامىتۋعا ارنالعان باعدارلامالارمەن تانىستى.
بۇعان دەيىن مينيستر قازاقستان ت م د- دا ازىق-تۇلىك جەتكىزۋدىڭ وڭىرلىك حابى بولۋعا دايىن ەكەنىن ايتقان ەدى.
ايتا كەتەيىك، بۇگىن استانادا ت م د- عا قاتىسۋشى مەملەكەتتەردىڭ ازىق-تۇلىك قاۋىپسىزدىگىن قامتاماسىز ەتۋ سالاسىنداعى ىنتىماقتاستىق ماسەلەلەرى جونىندەگى مينيسترلەر كونفەرەنسياسى ءوتتى.
