12:25, 11 - قاراشا 2024 | GMT +5
ت ج م قۇتقارۋشىلارى قىتاي ازاماتتارىن امان الىپ قالدى
استانا. قازاقپارات - ت ج م قۇتقارۋشىلارى قىتاي ازاماتتارىن قار قۇرساۋىنان قۇتقاردى. بۇگىن قاراعاندى وبلىسىنىڭ 112 قىزمەتىنە قار قۇرساۋىندا قالىپ، ءوز بەتىنشە شىعا الماي جاتقان ق ح ر-دىڭ ەكى ازاماتى تۋرالى حابارلاما كەلىپ ءتۇستى.
ساپاردى قىسقارتۋعا ۇمتىلىپ، تاسجولدان بۇرعان ەر ادامداردى قۇتقارۋشىلار قارقارالى اۋدانىنىڭ اققورا اۋىلىنان 15 شاقىرىم جەردە تاپتى.
اۆتوكولىك تاسجولعا سۇيرەتىلىپ، اۋدان ورتالىعىنا دەيىن جەتكىزىلدى. قۇتقارىلعاندارعا مەديتسينالىق كومەك قاجەت ەمەس ەدى.
ت ج م اۋا رايىنىڭ قولايسىزدىعىندا تەك ۇلكەن تاسجولدارمەن ءجۇرۋ كەرەك ەكەنىن ەسكە سالادى.
