ت ج م الماتىداعى جەر سىلكىنىسىنەن كەيىن قانداي شارا قولداندى
استانا. KAZINFORM – ق ر توتەنشە جاعدايلار ءمينيسترى شىڭعىس ءارىنوۆ الماتىداعى جەر سىلكىنىسىنەن كەيىن ۆەدومستۆو قانداي شارالار قابىلداپ جاتقانىن باياندادى.
«سەيسمولوگيا ينستيتۋتى الماتى ايماعىندا قانداي دا ءبىر ەلەۋلى، جويقىن جەر سىلكىنىسى كۇتىلمەيتىنىن ايتۋدا. ەشكىم %100 كەپىلدىك بەرە المايتىنىن تۇسىندىرگىم كەلەدى»، - دەدى ت ج م باسشىسى ۇكىمەت ۇيىندە وتكەن باسپا ءسوز ءماسليحاتىندا.
شىڭعىس ءارىنوۆ ت ج م ىقتيمال جەر سىلكىنىسى جاعدايلارىنا ءتيىستى دايىندىق جۇمىستارىن جۇرگىزە باستاعانىن اتاپ ءوتتى.
«الماتىنىڭ سەيسميكالىق قاۋىپتى ايماقتا ەكەنىن ەسكەرىپ، حالىق ەڭ كوپ قونىستانعان قالا ەكەنىن، كوپقاباتتى عيماراتتار بار ەكەنىن، ماسەلەنىڭ وتە ماڭىزدى ەكەنىن تۇسىنەمىز. ءبىز ت ج م رەتىندە بارلىق ءتيىستى جۇمىستاردى جۇرگىزە باستادىق. ءبىز ونى قاتتى جاريالامايمىز، ءبىراق جاقىن ارادا الماتى تۇرعىندارى بۇل جۇمىستى كورەدى»، - دەدى ول.
مينيستر ت ج الدىن الۋ دەپارتامەنتىنىڭ باسشىسى، ت ج جويۋ دەپارتامەنتىنىڭ باسشىسى، سونداي- اق ازاماتتىق قورعانىس كوميتەتىنىڭ ءتوراعاسىن الماتىعا ءىس ساپارعا جىبەرگەن.
«ولار ت ج د اۋماقتىق باسشىسىمەن، ءبىزدىڭ وبلىستىق دەپارتامەنتتەرمەن، اكىمدىكتەرمەن ەش قاعازباستىلىقسىز ءوزارا ءىس- قيمىل جاساپ، ءىس جۇزىندە پىسىقتاۋدى باستادى. ءبىز پاتەر يەلەرى كووپەراتيۆتەرىمەن جانە مۇلىك يەلەرى بىرلەستىكتەرىمەن جۇمىس ىستەپ جاتىرمىز جانە قاجەت بولعان جاعدايدا ءار ءۇيدى، ءار اۋلانى ارالايمىز، تۇرعىندار اراسىنان ەرىكتىلەردى ىرىكتەپ الامىز. ماسەلەن، بۇرىنعى قىزمەتكەرلەرىمىز، قاجەتتى ۋاقىتتا ءىس- قيمىلداردى ۇيىمداستىرا الاتىن زەينەتكەرلەرىمىز بار»، - دەپ اتاپ ءوتتى ت ج م باسشىسى.
سونىمەن بىرگە، الماتى ۇيلەرىندەگى چاتتارعا توتەنشە جاعداي كەزىندەگى ءىس ارەكەت تۋرالى ۇسىنىمدار جىبەرىلمەك.
«ءوزىمىزدىڭ Telegram-كانالىمىزدا بەلسەندى جۇمىس ىستەي باستادىق، بارلىق وقيعالار بويىنشا حالىقتى حاباردار ەتەمىز. وندا ءاربىر ازاماتقا، الماتىنىڭ ءاربىر تۇرعىنىنا تۇسىنىكتى تىلدە توتەنشە جاعدايدا نە ىستەۋ كەرەكتىگى تۇسىندىرىلەدى. العاشقى اتقارىلعان جۇمىستار وسىنداي جانە ولار جالعاسىن تابادى»، - دەدى ش. ءارىنوۆ.
