سيىر مەن قوي ساتىپ الاتىندارعا 5 پايىزدىق نەسيە بەرىلەدى
استانا. KAZINFORM - ەلدەگى ەت باعىتىنداعى ءىرى قارا مەن ۇساق مالدىڭ سانىن ءوسىرۋ ءۇشىن 5 پايىزدىق نەسيە بەرۋ باستالادى. بۇل تۋرالى اۋىل شارۋاشىلىعى ءمينيسترى ايداربەك ساپاروۆ ۇكىمەت وتىرىسىندا ءمالىم ەتتى.
- مال شارۋاشىلىعىنىڭ ەت باعىتى بويىنشا اسىل تۇقىمدى ءىرى قارا مەن ۇساق مال ساتىپ الۋعا جەڭىلدەتىلگەن نەسيەلەۋ باعدارلاماسى ىسكە قوسىلادى. جىلدىق مولشەرلەمەسى %5 دان اسپايتىن «ۇزاق مەرزىمدى» نەسيەلەر ۇسىنىلادى. قارجىلاندىرۋعا دەگەن قاجەتتىلىك - 50 ميلليارد تەڭگە. بۇدان بولەك 50 ميلليارد تەڭگە اينالىم قاراجاتىن قارجىلاندىرۋ باعدارلاماسى ىسكە قوسۋعا باعىتتالادى. ونىڭ دا جىلدىق مولشەرلەمە %5 دان اسپايدى، - دەدى ايداربەك ساپاروۆ.
سونداي-اق، ول ءسۇت ونىمدەرىنىڭ يمپورتىن ازايتۋ ءۇشىن سولتۇستىك قازاقستان وبلىسنىىڭ تاجىريبەسىن رەسپۋبليكا اۋماعىنا تاراتۋ كوزدەلىپ وتىرعانىن ايتتى. بۇل تاجىريبە بويىنشا «ەلوچكا»، «كارۋسەل»، «پاراللەل» سياقتى ساۋىن تەحنولوگياسى مەن روبوتتاندىرىلعان جۇيە ەنگىزۋگە جىلدىق مولشەرلەمەسى %2,5 نەسيە بەرىلمەك.
بۇعان دەيىن قازاقستاندا اۋىل شارۋاشىلىعىن سيفرلاندىرۋ قالاي ءجۇرىپ جاتقانىنا شولۋ جاساعان ەدىك.
