سۇيىكتىسىمەن كەزدەسۋگە بارعان اسكەري قىزمەتكەر جولدا قىلمىسكەردى قولعا ءتۇسىردى

«ورتالىق» وڭىرلىك قولباسشىلىعىنىڭ 3517 اسكەري ءبولىمىنىڭ قىزمەتشىسى قىلمىستىق ءىستىڭ كۋاسى بولدى. سارباز جىلدام ارەكەت ەتىپ، قىلمىسكەردى جالعىز قولعا ءتۇسىردى. بۇل تۋرالى Azattyq Rýhy ءى ءى م ۇلتتىق ۇلانىنىڭ باسپا ءسوز قىزمەتىنە سىلتەمە جاساپ حابارلايدى.

اسكەري قىزمەتشىنىڭ ايتۋىنشا، سۇيىكتىسىمەن سەرۋەندەۋ كەزىندە ول «قازاقستان» ساۋدا ورتالىعىنىڭ جانىندا 30-35 جاستاعى ەكى ەر ادامدى بايقاعان، ولار ماس كۇيىندە جانە سوزگە كەلىپ قالعان. ءبىر كەزدە ەر ادامداردىڭ ءبىرى قارسىلاسىنىڭ بەتىنەن ۇرىپ، سول ارادا پىشاعىن شىعارىپ، وڭ جامباسىنا سۇعىپ الادى.

«مەن دەرەۋ جەدەل جاردەم مەن پوليتسياعا قوڭىراۋ شالدىم. بارلىعى جىلدام بولدى. قىلمىسكەردى قولىنان بۇراپ، پوليتسيا قىزمەتكەرلەرى كەلگەنشە ۇستاپ تۇردىم. جابىرلەنۋشىگە العاشقى مەديتسينالىق كومەك كورسەتىلدى. ونىڭ شالبارىن شەشىپ، جارانىڭ قانى توقتاعانشا قاتتى بايلاپ ، تاڭىپ قويدىق. ونىڭ ءتۇرى بوزارىپ، جۇرەك سوعىسى جيىلەپ كەتتى. جۇرەگىنە ماسساج جاساي باستادىم. وسى كەزدە جابىرلەنۋشى تەرەڭ دەم الدى. جەدەل جاردەم بريگاداسى كەلگەننەن كەيىن ونى قۇتقارۋ مۇمكىن بولماعانى انىقتالدى. ول سول جەردە قايتىس بولدى»، - دەدى 21 جاستاعى ۇلاندىق يسلام-الي جاپار.