سىنىپ جەتەكشىلەرىنە ارنالعان تولەم ارتۋى مۇمكىن

استانا. KAZINFORM - مينيسترلىك ارنايى پەداگوگتەرگە تولەنەتىن اقىنىڭ سوماسىن ارتتىرۋدى جوسپارلاپ وتىر. سونىمەن قاتار ۆەدومستۆو سىنىپ جەتەكشىلەرىن قولداۋ شارالارىن قاراستىرماق.

ا
Фото: Әділет Беремқұлов / Kazinform

- قازىر ءبىز اۋقىمدى تالداۋ جۇرگىزىپ جاتىرمىز. سىنىپ جەتەكشىلىگىنە بولىنگەن ساعاتتار سانىن ەسەپتەۋىمىز قاجەت. بۇل جەكە ءپان رەتىندە ەنگىزىلۋى مۇمكىن نەمەسە مۇلدەم باسقا ءتاسىل قولدانىلۋى ىقتيمال، - دەدى جۇلدىز سۇلەيمەنوۆا قۇرىلتايدا وتكەن باسپا ءسوز ءماسليحاتىندا.

ونىڭ ايتۋىنشا، 2029-جىلى ارنايى ءبىلىم بەرۋ مۇعالىمدەرىنە قوسىمشا اقى تولەۋ جوسپارلانىپ وتىر. تەك سودان كەيىن عانا مينيسترلىك سىنىپ جەتەكشىلەرىن قولداۋ ماسەلەسىنە نازار اۋداراتىن بولادى.

- بۇگىن مەن سىزدەرگە ناقتى مەرزىمدەردى ايتا المايمىن. ارينە، بۇل ماسەلەنى شەشۋ رەسپۋبليكالىق بيۋجەتتىڭ مۇمكىندىگىنە بايلانىستى. دەگەنمەن، وقۋ-اعارتۋ مينيسترلىگى بۇل باعىتتا جۇمىس ىستەپ جاتىر جانە ءبىز مىندەتتى تۇردە شەشىمىن تابامىز. بۇل - بۇرىننان كەلە جاتقان جۇيەلى ماسەلە، - دەپ اتاپ ءوتتى مينيستر.

بۇعان دەيىن حابارلانعانداي، ەرەكشە ءبىلىم بەرۋ سالاسىنا 3 مىڭنان استام مامان جەتىسپەيدى.