سيتسيليا ارالىندا ەتنا جانارتاۋى اتقىلاي باستادى

Извержение Этны
Фото: twitter.com/etnaboris

استانا. KAZINFORM - ەۋروپاداعى ەڭ بەلسەندى جانارتاۋلاردىڭ ءبىرى سيتسيلياداعى ەتنا ويانىپ، كۇلى تەڭىز دەڭگەيىنەن 4500 مەتر بيىكتىككە ۇشتى.

قىپ- قىزىل لاۆا اعىندارى تاۋ بوكتەرىنەن 3300 مەتر بيىكتىكتەن اعىپ ءتۇستى، دەپ جازادى euronews.

قازىرگى ۋاقىتتا ەتنا بەلسەندىلىگى ورتاشا دەڭگەيدە. الايدا يتاليا بيلىگى جاعدايدىڭ كۇرت وزگەرۋىنەن قاۋىپتەنىپ، جەراستى دۇمپۋلەرى تۋرالى ەسكەرتۋدىڭ جاسىل دەڭگەيىن سارىعا دەيىن كوتەردى.

يۋنەسكو- نىڭ بۇكىل الەمدىك مۇرالار تىزىمىنە ەنگەن ەتنا تاۋىنىڭ بيىكتىگى 3357 مەتر. جانارتاۋدىڭ 200 دەن 400 گە دەيىن قوسالقى جانارتاۋ كراتەرلەرى بار. ولار اي سايىن بىرنەشە رەت اتقىلايدى.

ەتنانىڭ بەلسەندىلىگىنە سيتسيليا ماڭىنداعى ەولي ارالدارى ارحيپەلاگىنداعى تيررەن تەڭىزىندە ورنالاسقان سترومبولي جانارتاۋىنىڭ اتقىلاۋى قوسىلدى.

سوڭعى جاڭالىقتار