سۋيتسيدتىك مىنەز- قۇلىقتىڭ الدىن الۋ - مامان كەڭەسى

سۋيتسيد - بۇل وتە كۇردەلى جانە كوپتەگەن سەبەپتەردەن تۋىندايتىن قۇبىلىس. اتا- انا ءوز بالاسىنا ساۋاتتى كومەك كورسەتۋ جولدارىن بىلسە وسى جاعدايدىڭ الدىن الۋ مۇمكىندىگى جوعارى.

балалар суициді
Фото: Фото: freepik.com

بالامەن اڭگىمە بارىسىندا:

قامقورلىق قارىم- قاتىناس ورناتۋ. ءوزىن- ءوزى ءولتىرۋ سياقتى ماسەلەنى شەشۋدە ءبىرجاقتى جاۋاپ بولمايدى. جانىنان بەزگەن ادامدى قابىلداۋعا مىندەتتىسىز. وعان ەرەكشە كوڭىل قويىپ، قولداۋ كورسەتۋىڭىز قاجەت.

ايتقاندارىن مۇقيات تىڭداۋ. جابىعۋعا ۇشىراعان اداممەن اڭگىمەلەسۋ بارىسىندا، ونىڭ ءوزىن سويلەتۋگە تىرىسۋ، ونىڭ ىشكى سىرىن اقتارۋعا جەتەلەۋ كەرەك. ءسىز تىڭداپ، ءتۇسىنۋ ارقىلى وعان باعا جەتپەس كومەك كورسەتەسىز. كەي ساتتە ءۇنسىز، جاي عانا جانىندا وتىرعانىڭىزدىڭ ءوزى ونىڭ جانىن تۇسىنگەنىڭىزدىڭ دالەلى رەتىندە مەدەۋ بولادى.

سۇراقتار قويۋ. سۋيتسيدەنتكە كومەك بەرۋ ءۇشىن ونىڭ ويلارى مەن ىشكى سەزىمدەرىنەن جاۋاپ ىزدەپ، «باسقاشا ايتقاندا، سەن بىلاي دەمەكسىڭ عوي .. .» دەگەن سياقتى سوزدەرمەن ولاردى قايتالاپ ايتۋ ارقىلى، جاۋاپتاردى ناقتىلاپ وتىرۋ كەرەك.

ورىنسىز جۇباتپاڭىز. جاتتاندى سوزدەردەن اۋلاق بولىڭىز!

كونسترۋكتيۆتى امالداردى ۇسىنىڭىز. «سەنىڭ تۇرىڭنەن ابىرجۋ بايقالادى، ەگەر سەن ىشكى سىرىڭمەن بولىسسەڭ، مەن سەنى ءتۇسىنىپ، كومەكتەسۋگە تىرىسىپ كورەمىن» دەپ ايتۋ وتە ماڭىزدى.

ءۇمىت وتىن جاعىڭىز. مازالايتىن ويلار سىرتقا شىققان كەزدە باقىتسىزدىقتىڭ بەتى قايتقانداي بولادى. سارىۋايىمعا سالىنعان ادام: «بۇل ماسەلەنى قالاي شەشۋگە بولاتىنىن ءالى دە تۇسىنە الار ەمەسپىن. دەگەنمەن، قيىندىقتىڭ سەبەبىن تۇسىنگەن سوڭ، تىعىرىقتان شىعار جولدى كورگەندەيمىن، ءۇمىتىم قايتا جاندى» دەگەن ويعا كەلەدى.

سۋيتسيد قاۋپىنىڭ دارەجەسىن باعالاڭىز. ءوز- وزىنە قول سالۋ يدەياسى وتكىنشى ويدان باستاۋ الىپ، ءارتۇرلى ءولۋ مۇمكىندىكتەرى تۋرالى كەلىپ كەتەتىن ويلار ارقىلى شارىقتاپ شىڭىنا جەتۋى عاجاپ ەمەسى انىق. وسى ورايدا، دارىلەردى، قارۋ نەمەسە وتكىر زاتتاردى كوزدەن تاسا جەرگە قويۋ كەرەك.

جوعارى سۋيتسيدتىك قاۋىپ بار جاعدايدا ادامدى جالعىز قالدىرماڭىز. ونىمەن ۇزاعىراق بولۋعا تىرىسىڭىز. بىرگە بولۋعا مۇمكىندىك بولماسا، كۇيزەلىس شەشىلگەنشە جانە كومەك كەلگەنشە، باسقا بىرەۋدەن جەتكىنشەكتىڭ قاسىندا بولا تۇرۋىن ءوتىنىڭىز. قولداۋ كورسەتىپ، كومەك بەرۋگە جاۋاپتى ەكەنىڭىزدى ەستە ساقتاڭىز.

مامانداردىڭ كومەگىنە جۇگىنىڭىز. سۋيتسيدەنتتەردىڭ كورۋ اياسى تار، وزىنە ءتان تۋننەلدىك ساناسى بولادى. جاعداي ۋشىققان كەزدە سۋيتسيدەنتكە كومەك بەرۋدەگى جالعىز بالاما - ونى پسيحياتريالىق اۋرۋحاناعا جاتقىزۋ. كەشەۋىلدەۋ قاۋىپتى بولۋى مۇمكىن.

قامقورلىق پەن قولداۋ جاساۋدى توقتاتپاۋدىڭ ماڭىزدىلىعى. شيەلەنىس سەيىلگەن كەزدە، اتا- انالار نەمەسە جانۇيا مۇشەلەرى الاڭداۋدان ايىعا باستايدى، وزدەرىن ەركىن ۇستاپ، بوساڭسيدى. دەگەنمەن، قولداپ، قۋاتتاۋدى توقتاتپاي، ونىڭ ومىرگە بەيىمدەلۋى ءۇشىن بارلىق جاعداي جاساۋ قاجەت.

اۆتورى: ايجان قۇدايبەرگەنوۆا

سوڭعى جاڭالىقتار