سيريانىڭ كەيبىر قالالارىندا كومەندانتتىق ساعات ەنگىزىلدى

استانا. KAZINFORM - كومەندانتتىق ساعات داماسكىدە جانە اتتاس پروۆينتسيادا، سونداي-اق سيريانىڭ لاتاكيا جانە تارتۋس قالالارىندا ەنگىزىلەدى، دەپ جازادى ت ا س س.

ونىڭ مالىمەتىنشە، بۇل شەشىمدى قارۋلى وپپوزيتسيالىق قۇرىلىمدار «قولباسشىلىعى» قابىلدادى، شەكتەۋلەر جەرگىلىكتى ۋاقىت بويىنشا ساعات 17:00 دەن 05:00 گە دەيىن قولدانىلادى. رەجيمدى بۇزعاندارعا ءبىر اي باس بوستاندىعىنان ايىرۋ جازاسى قاراستىرىلعان.

جاڭا بيلىك سيريا ازاماتتارىن «ىنتىماقتاستىققا جانە كومەندانتتىق ساعاتتى بۇزعاندار تۋرالى حاباردار ەتۋگە» شاقىردى.

27-قاراشادا قارۋلى وپپوزيتسيالىق قۇرىلىمدار الەپپو مەن يدليب پروۆينتسيالارىندا سيريا ارمياسىنىڭ پوزيتسياسىنا ۇلكەن شابۋىل جاسادى. 7-جەلتوقسان كۇنى كەشكە قاراي ولار بىرنەشە ءىرى قالالاردى (الەپپو، حاما، دەراا جانە حومس) باسىپ الىپ، 8-جەلتوقساندا داماسككە كىردى، سيريا ۇكىمەت كۇشتەرىنىڭ بولىمشەلەرى قالادان كەتتى. سيريا ۇكىمەتىنىڭ باسشىسى مۇحاممەد عازي ءال-جالالي رەسپۋبليكادا بيلىكتى بەيبىت جولمەن بەرۋگە دايىن ەكەنىن ءبىلدىردى. رەسەي س ءى م مالىمدەمەسىندە ايتىلعانداي، باشار اساد سيريا پرەزيدەنتى قىزمەتىنەن كەتىپ، بيلىكتى بەيبىت جولمەن بەرۋ تۋرالى نۇسقاۋ بەرىپ، ەلدەن كەتتى.

وسىعان دەيىن سيرياداعى تۇراقسىزدىقتار تۋرالى جازعان ەدىك.